සදාතන වූ කිසිත් ලොව නැත

ඔබත් මමත් කිසිවකුහට හිමි නැති
සම්මුති නම හිමි පසිඳුරු ගොනුවකි
සදාතන වූ කිසිත් ලොව නැත
සැම දෙය ම අනියත ය මෙදියත

මිනිස් උපත ද දුලබ වේ ම ය
බුදුන් දැකුම ද ඉතා දුලබ ය
දැන නොදැන කළ පව් පල දී
කල්ප ගණන් දුක් විඳීති සත නිරයෙ

තණ්හා ආශා හද තුළ රඳවා
සසර කතරේ දුක් විඳීති සව් සත
සත් පුරුෂයකු ලෙස දහම පිළිපැද
පතමු අමා නිවන ම
උපත මරණය නොලබන

ධම්මපදයේ අප්පමාද වග්ග ගාථා ඇසුරෙනි