ශ්‍රී බුද්ධ වර්ෂ 2567 ක් වූ නවම් අව අටවක පෝදා 2024 මාර්තු 03 ඉරිදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දහම් අසපුව | දායකත්ව මුදල් | ඊ පුවත්පත |
තමන් උපන් දේශය, ආගම, ජාතිය වෙනුවෙන් විශාල කැප කිරීම් කළ ඩී.ආර්. විජයවර්ධන ශ්‍රීමතාණන් නිහඬ මහා යුග පුරුෂයකු බව කොටුව ශ්‍රී සම්බුද්ධාලෝක විහාරාධිපති, බෞද්ධ හා පාලි විශ්වවිද්‍යාලයේ හිටපු උපකුලපති, දක්ෂිණ ලංකාවේ උප ප්‍රධාන සංඝනායක ජ්‍යෙෂ්ඨ මහාචාර්ය ඉත්තදෙමලියේ ඉන්දසර හිමියෝ පැවසූහ. උන්වහන්සේ එසේ අදහස් දැක්වූයේ ලංකාවේ සීමාසහිත එක්සත් ප්රවෘත්ති පත්‍ර සමාගමේ (ලේක්හවුස් ආයතනයේ) නිර්මාතෘ ඩී.ආර්.විජයවර්ධන ශ්‍රීමතාණන්ගේ 138වැනි ජන්ම දින සංවත්සරය නිමිත්තෙන් පසුගිය 21 රාත්‍රියේ පැවැත් වූ සර්වරාත්‍රික පරිත්‍රාණ ධර්ම දේශනාව ආරම්භක අවස්ථාවට සහභාගි වෙමිනි. කොළඹ කොටුව ශ්‍රී සම්බුද්ධාලෝක විහාරස්ථානයේ සිට සධාතුක කරඬුව, පිරුවානා පොත් වහන්සේ සහ මහා සංඝරත්නය ලේක්හවුස් ආයතනයේ සභාපති මහාචාර්ය හරේන්ද්‍ර කාරියවසම් මහතා, අධ්‍යක්ෂ මණ්ඩල සාමාජිකයන්, ලේක්හවුස් ආයතනයේ ප්‍රකාශනවල කර්තෘවරුන් ඇතුළු සේවක සේවිකාවන් විසින් දර්ශනීය පෙරහරකින් ආයතනය වෙත වැඩම කරවනු ලැබීය. ආයතනයේ දොරටුව අබියස දී සභාපතිවරයා සධාතුක කරඬුව ප්‍රවාහන, මහාමාර්ග සහ ජනමාධ්‍ය ඇමැති ආචාර්ය බන්දුල ගුණවර්ධන මහතා වෙත ලබා දුන් අතර, ඇමැතිවරයා විසින් ලේක්හවුස් මන්දිරයේ ඉදිකර තිබූ දර්ශනීය පිරිත් මණ්ඩපයේ සධාතුක කරඬුව තැන්පත් කරන ලදී. ඉන් අනතුරුව දැහැත්වට්ටිය පූජා කර මහා සංඝරත්නයට පිරිතට ආරාධනා කිරීම ලේක්හවුස් සභාපතිවරයා අතින් සිදුවිය.
මාර්තු 03 ඉරිදා පූ.භා. 08.44 අව අටවක ලබා 04 සඳුදා පූ.භා. 08.48 ගෙවේ. 03 ඉරිදා සිල්
අව අටවක
මාර්තු 03
අමාවක
මාර්තු 10
පුර අටවක
මාර්තු 17
පසළොස්වක
මාර්තු 24
© 2000 - 2024 ලංකාවේ සීමාසහිත එක්සත් ප්රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
අව
අටවක
අමාවක
පුර
අටවක
පසළොස්වක
