ශ්‍රී බුද්ධ වර්ෂ 2563 ක් වූ වප් පුර පසළොස්වක පෝය දින රාජ්‍ය වර්ෂ 2019 ඔක්තෝබර් 13 වනදා ඉරිදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
නාගිත මහ රහතන් වහන්සේ පෙර භවයක පූජා කළ කඨිනයෙහි ආනිශංස ප්‍රකාශය සිදු කිරීම
වප් පුර පසළොස්වක පෝය ඔක්තෝබර් 13 වන දා ඉරිදා පූර්ව භාග 00.36 ට ලබයි. 14 වන දා සඳුදා පූර්ව භාග 02.37 දක්වා පෝය පවතී. සිල් සමාදන් වීම ඔක්තෝබර් 13 වන දා ඉරිදා ය.
මීළඟ පෝය ඔක්තෝබර් 21 වන දා සඳුදා ය
පසෙලාස්වක
ඔක්තෝබර් 13
අව අටවක
ඔක්තෝබර් 21
අමාවක
ඔක්තෝබර් 27
පුර අටවක
නොවැම්බර් 04
මහා මංගල සූත්‍රයෙහි සඳහන් වන අයුරෙන් “සමණානංච දස්සනං” ශ්‍රමණයන් වහන්සේලා දැකීම සැනසීම උදාකරවන මංගල කරුණකි. දුටුවන්ගේ නෙත් සිත් පහන් කරවමින් මෑත යුගයේ මිහින්තලා පින්බිම කසාවතින් බැබළී ගිය, ඓතිහාසික පින්කම් මාලාවක් පසුගියදා ඓතිහාසික මිහින්තලා රාජ මහා විහාරස්ථානයේ දී පැවැත්විණි. උත්තිය රාජ්‍ය සමයේ දී පිරිනිවන් පා වදාළ අනුබුදු මිහිඳු මහ රහතන් වහන්සේගේ අසම සම ගුණ සමුදාය මෙනෙහි කරමින් මිහින්තලා රාජමහා විහාරාධිපති හා භාරකාර වළවාහැංගුණවැවේ ධම්මරතන හිමියන්ගේ අනුශාසනා පරිදි මිහින්තලා පුණ්‍ය භූමියේ දී ඓතිහාසික පින්කම් මාලාවක් පැවැත්විණි. අනුබුදු මිහිඳු පෙරහර ඉකුත්දා(04) පැවැති අතර පසුදා කිරිබත්ගොඩ ඤාණානන්ද හිමියන්ගේ මූලිකත්වයෙන් ශ්‍රද්ධා මාධ්‍ය ජාලය මගින් අලුදෙණියේ සුබෝධි හිමියන්ගේ මෙහෙයවීමෙන් අනුබුදු මිහිඳු මාහිමි කෘතගුණ පූජාව මිහින්තලා සේල චෛත්‍යය මළුවේ දී පැවැත්විණි. මහමෙව්නා භාවනා අසපු සංචිතයේ හිමිවරුන් අටසිය නමකගේ සහ සිල්මෑණිවරුන්ගේ සහ ලක්ෂ සංඛ්‍යාත මහ පිරිසකගේ සහභාගිත්වයෙන් එම පින්කම සිදු කෙරුණි. ඓතිහාසික මිහින්තලා පුණ්‍ය භූමිය ජාතික උරුමයක් ලෙස ප්‍රකාශයට පත්කිරීමේ ජාතික පුණ්‍ය මහෝත්සවය මිහින්තලා රජමහා විහාරයේ දී 6 වනදා පස්වරුවේ පැවැත්විණි.
මහනුවර ශ්‍රී දළදා මාළිගාවේ කඨින චීවර පුණ්‍යෝත්සවය මෙම 18, 19 යන දෙදින තුළ පැවැත්වේ. කඨින පූජෝත්සවය නිමිත්තෙන් ශ්‍රී දළදා සමිඳු උදෙසා 18 සවස 07.15 පිරිනැමෙන ගිලන්පස පූජාව සහ රාත්‍රී 09.00 ට සර්ව රාත්‍රික පරිත්‍රාණ ධර්ම දේශනාවකි. පසුදින මුළුතැන් බුද්ධ පූජාවකි. දවල් මල්වතු අස්ගිරි අතිපූජ්‍ය මහා නා හිමිවරු, අනුනා හිමිවරු ප්‍රධාන ගරුතර මහා සංඝරත්නය සියක් නමක් විෂයෙහි පිරිනමනු ලබන සපිරිකර සංඝගත දක්ෂිණාවකි. කප් රුක් පූජාව සහිත සිදුකෙරෙන කඨින චීවර මහා පූජාව, මහනුවර කටුකැලේ ලේඩ් බේලෙක් ආරාමාධිපතිනි, ශ්‍රද්ධා ප්‍රසාදිනි ධර්මචාරි කොත්මලේ සුධර්මා සිල්මෑණියන්ගේ ප්‍රධානත්වයෙන් සහ රාජගිරිය රෝයල් කෝට්හි අංක 195 / 52 නිවසේ පදිංචි උපෙන්ද්‍ර සහ එරංගා සමරතුංග යන දෙපළ සහ දිනූ සහ තෙරුණි දියණියන්ගේ ප්‍රධාන දායකත්වයෙන් පැවැත්වේ.
ධර්ම දේශනාව:
වස් කාලයෙහි භික්ෂූන් වහන්සේට ආරාධනා කොට වස් වසවා ගැනීමත්, සිවු පසයෙන් උපස්ථාන කිරීමත්, වස් අවසානයෙහි කඨින සිවුරු පූජා කිරීමත් බෞද්ධයන්ගේ ශ්‍රද්ධාව ප්‍රකට කෙරෙන අවස්ථාවකි. මේ බව ලංකාවේ බෞද්ධයන් වෙනත් රටවල බෞද්ධයන්ට වඩා උද්‍යෝගයෙන්, සුවිශාල පරිත්‍යාගයන් සිදු කිරීමෙන් කඨින පින්කම් පැවැත්වීමෙන් පෙනේ. අපේ සිංහල රජවරු ද එබඳු මහා පරිත්‍යාග කළ බව ඉතිහාසයේ සඳහන් වේ. සියමය, බුරුමය යනාදී රටවල බෞද්ධයින් ද කඨින පින්කම් උත්සවාකාරයෙන් පවත්වයි. එසේ උසස්, දුර්ලභ , ශක්තිමත් කඨින පින්කම සම්බුද්ධ ශාසනයේ බැබළීමටත්, ජනතාවගේ ගුණධර්ම දියුණුවටත් බෙහෙවින් උපකාරි වේ. කඨින පින්කම එක් විහාරයක දී වර්ෂයකට එක් වරක් පමණක් පැවැත්විය හැකි දුර්ලභ ගණයේ මහා පින්කමකි. ඒත් පෙරවස් පවාරණය කළ භික්ෂූන් වහන්සේ වැඩ සිටී නම් පමණකි. මේ නිසා භික්ෂූන් වහන්සේ විනයානුකූලව වස් වසා, එය රැක ගැනීම අත්‍යවශ්‍ය වේ. “කඨින” යන වචනයේ තේරුම ශක්තිමත්, ස්ථිර, ප්‍රබල යනාදී වශයෙන් දැක්වීමට පිළිවන. කඨින පින්කම හා එහි අනුසස් ද එම නිසා සෙසු පින්කම්වලට වඩා ප්‍රබල ය. සතර අපායාදී දුකින් නිදහස් වන්නට, සුගති සැප ලබන්නට උපකාර වන්නකි. බෞද්ධයාගේ පරමාර්ථය විය යුත්තේ සසර දිග්කර ගැනීම නොව සසරින් එතරව නිවනින් සැනසීමයි. ඊට මහෝපකාරි වන්නේ ශ්‍රද්ධාදී ඉන්ද්‍රියයන් දියුණු කිරීම ය. එයට වස් කාලය තුළ යෙදෙන පින්කම් ඉවහල් වේ. මේ අනුව වස් කාලය හා කඨින පින්කම අපට සුගති සැප හා නිවන් සැප ලබාදීමට ඒකාන්තයෙන් පිටුවහල් වේ.
වස් සාර මාසයේ අවසාන මාසය ආරම්භ වන්නේ වප් පුර පසළොස්වක පොහොයෙනි. කඨින චීවර පූජා කරන මාසයේ සමාරම්භක දිනය වප් පොහොයෙන් ඇරඹෙන හෙයින් මෙම මාසය චීවර මාසය ලෙස ද ව්‍යවහාරයට එක් ව ඇත. කඨිනය හැර වෙනත් ඕනෑම බෞද්ධ පූජෝත්සවයක් වර්ෂයේ නියම කරගත් අභිමත දිනක දී හෝ වර්ෂයේ කිහිප අවස්ථාවක දී ම සිදු කළ හැකි වුවත්” මෙම කඨින චීවර පූජා පුණ්‍ය මහෝත්සවය සිදු කළ හැකි වන්නේ එක් වර්ෂයක් තුළ එක් ස්ථානයක දී එක් වරක් පමණෙකි. බුදුරජාණන් වහන්සේ අනුදැන වදාළ පරිදි උපසපන් භික්ෂූන් වහන්සේ වස් සමාදන් වන කාලය, දෙ වැදෑරුම් ය. එය පෙරවස් හා පසුවස සමාදානය යි. ඇසළ පුර පසළොස්වක පොහොය දා පෙරවස් ආරම්භ වන අතර” පසුවස් ආරම්භ වන්නේ නිකිණි පොහෝදා ය. වප් පොහෝදා මහා පවාරණය සිදු කෙරෙයි. සාකේත නුවර වස් එළඹි භික්ෂූන් වහන්සේ තිස් නමක් මහා පවාරණය සිදු කොට බුදුරදුන් දකිනු පිණිස සැවැත්නුවර ජේතවනාරාමයට වැඩම කළ හ. අතරමග දී වැස්සකට මුහුණ දුන් උන්වහන්සේලා වැසි දියෙන් තෙමී ගිය සිවුරුවලින් යුතුව සිටිය හ. එම අපහසුතාවට මුහුණ දුන් භික්ෂූන් වහන්සේ දෙස බලා මතු එවන් දෙයක් සිදුනොවීම කෙරෙහි සලකා බැලූ බුදුරජාණන් වහන්සේ “මහණෙනි, වස් වැස නිම කළ භික්ෂූන්ට කඨින ඇතිරීම අනුදනිමි”යි. කඨිනාස්තරණ විනය කර්මය අනුදැන වදාළ හ. එතැන් සිට භික්ෂූන් වහන්සේලාට කඨින චීවර පරිභෝග කිරීමට අවස්ථාව ලැබුණි.
බොදු මහා සමුළු කඨින පුණ්‍ය මහෝත්සවය
මාකන්දන සංකල්ප විහාරයේ වස්සාන ධර්ම දේශනා මාලාව සහ කඨින පින්කම
ස්වර්ණමාලී ථුපාභි වන්දනා
පෝදා පින්කම්
කඨින පින්කම්
පිහිට පතයි
ඉතිරිය»
මහා පවාරණ විනය කර්මයෙන් තහවුරු වන සංඝ සාමගි‍්‍රය
සිතිවිලි ගෙනෙන සැනසිලි
ත්‍රිවිධ දාන සම්පත්තිය
මේ වස්සාන කාලයයි - 10: සතිකරණය
ධර්මය ශ්‍රවණයෙන් ජීවිතය නිසි මගට
බිහිසුණු අපාය: පවෙහි ස්වභාවය හඳුනා ගන්න ගුණ දහම් දියුණු කර ගන්න
මේ වස්සාන කාලයයි - 10: අධ්‍යාත්මික දියුණූුවට
කඨින චීවර පූජාවේ අනුසස් අප්‍රමාණය
ආත්මාර්ථකාමිත්වය හිත පුරවන චින්තා මාණික්‍යයක් නොවේ
සමාජයේ වටිනාම සම්පත
සැබෑ සමගුණ පිදේ යහගුණ
අතීත ගුණ සුවඳ අනාගතයට
මැසිවිලි එපා වැඩ කරමු
බොදු පුබුදුවට උදාර මෙහෙවරක් කළ අනගාරික ධර්මපාලතුමා
නෙත පිනවන හිත සනසන වාද්දුව මොල්ලිගොඩ දෙගම්බද මහා විහාරය
තල්අරඹ ශ්‍රී මහේන්දාරාමය
© 2000 - 2019 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
පසෙලාස්වක
අව
අටවක
අමාවක
පුර
අටවක
