සංස්කරණය -
දීපා පෙරේරා
සඳරැ සඳරැස් වැටිලා දෙව්රම් වෙහෙරට
පුංචි කුමාරියො පුංචි කුමාරයො වටකරගෙන පුන්සඳ වාගේ
හිනැහෙන ලස්සන දුටුවම කවුරුත් දෙපයක් එතැනින් යළි නෑගේ
පින උතුරන්නට නිවන් දකින්නට පොඩි වුණමුත් සිත ඇත මාගේ
එක බණ පදයක් අහන්න ආසයි සිත සතුටින් මාගේ
සඳ රැස් වැටිලා දෙව්රම් වෙහෙරට මලුව පුරා මල් වැහි වැහැලා
එක එක මල්පෙති උඩට නැඟී ගෙන මී මැස්සන් ඇත එහි පිරිලා
පිනක් නොමැතිමුත් අපට අහන්නට උන්ටත් පුුරුදුයි බණ අහලා
දම්සක් දෙසුමක් අපට දෙසන්නකො පුදදෙමි තුන් සිවුරක් මහලා
පින්කෙත උතුරා ගලා හැලෙද්දී කරුණා දහරින් නැහැවෙනවා
කියන කියන බණ පදයක් ගානේ මා සිත තුළ මල් පිබි දෙනවා
තණ්හා ආසා මෝහයෙ ගිනිදැල් එක මොහොතින් නිවි නිවි යනවා
පෙර පින් මදි බව මට වැටහෙනවා සසුනෙහි පැවිදිව මෙහෙණක් වෙනවා
ජයසේකර රාජපක්ෂ
දිවුරුම්ගම නුගතලාව
|
පුවත්පත
|
බෝපත් සිලිසිලි නාදෙන් පවසයි බුදු ගුණ
විහාරයෙන් අපට ඇසෙයි සම්බුදු බුදු බණ
ලොවම එළිය කරන මැණික් පහනක් විලසින
“බුදුසරණ” පුවත්පත වඩවයි ගුණ නැණ
අලුත්වත්තේ සුගතරතන හිමි
ශ්රී බෝධිරාජාරාම විහාරය, ගලේවත්ත, අකරගම
සසරින් මිදී
රහතුන්ගේ මන
වීතරාගී වින
ධර්මය දෙසූ දන
එය වෙයි උතුම් පින
මුනිඳුට මල් පහන් පිදූ
සැම වෙත පින් වේ ය සිදු
රහතුන් ඒ කෙලෙස් සිඳූ
ඝොර සසරින් ඔවුහු මිදූ
අජිත් වික්රමනන්ද වීරසූරිය
හිමි පා පියුම් වඳිනෙමි මම සැදැහැයෙනි
තිසරණ සරණ ගෙන දහමට අනුව යමින්
අසරණ සරණයට නිරතුරු පුරුදු වෙමින්
හිස මත තිබෙන ඉසිකෝමන් ඉවත ලමින්
සසරෙහි ගමන කෙටි කර ගෙන ලබමු නිවන්
කවියෙන් කියන බුදුගුණ ගී අසා බැතින්
වරදින් පවින් නිරතුරුව ම ඉවත යමින්
දැහැමෙන් සෙමෙන් කරමින් දිවි ගමන යෙහෙන්
සසරින් මිදෙන හැටි සොයමු ද වෙහෙස වෙමින්
වැලිකල - ලක්ෂ්මන් කළුබෝවිල
පොසොන් සඳ
දහසක් පිරිස සහ රජුටත් එක ලෙසට
සැනසුම ලැබුණි තෙරුවන් සරණින් සැමට
රහසක් නැතුව ලද ඒ පොහොයෙ නමට
අහසේ පොසොන් සඳ පායා එයි හැඩට
යහ භාෂාව සිරිතට විරිතට අනුව
වහ වහ දනන් ගුණ ගරුකව දැහැමි කොට
මහ සෑ පිළිම හෙළ බොදු සිත් පුබුදු වට
කහවත විකුම් පෑවේ දින පොසොන් සිට
සම මෙත වඩා හැම සත දුක කරන නිමී
අම මහ නිවන් මඟ පහදා හැඳින ගමී
එම මඟ දෙසුව හද කරුණා ගුණෙන් තෙමී
නමදිමි පොසොන් දා අනුබුදු මිහිඳු හිමී
විශ්රාමලත් පරිවේණාචාර්ය
පී.බී. ගුණරත්න.
පින් සිතක්
නිමක් නැති ගමන යන
අතර මඟ තවම එන
පැමිණ විගසින හැරෙන
කඳුළු කැට තුළ දැවෙන
පින් සිතක් නැති මිනිසා....
වෙනස කොතැන ද
නතර වන්නට
සොයන්නෙ ද මිනිසා
ආශා සිත් ගෙන
බැඳී හඬනා
සසරෙ මේ මිනිසා
කඳුළු නිමකර
සැනසුමක් වෙත
මඟක් ඇත සසරේ
උතුම් ගතියෙන්
දහම් මඟ යන
මලක් සේ මිනිසා
සසරෙ බැඳෙනා
මුළාවෙන් මිදි
ලෝභ සිත් බිඳ දා
උතුම් නිවනේ
සුවය විඳිනා
පින් සිතක් ඇති මිනිසා
නීතිඥ කීර්ති කපුවත්ත
රිදීගම
දුවේ පුතේ
දහමින් දැකිය හැක බුදුහිමි දුවේ පුතේ
අපි හැසිරෙමු දහම් මඟ හිත දිවා රැයේ
සසර බිය දැනෙයි බෙහෙවින් සිතට මගේ
පින්කම් කරමු ළඟ නැතුවත් අතේ සතේ
වියපත් ජීවිතේ ගත වීරිය බිඳුණ
හැකි වේ ජය ගන්න කළ විට මන දමන
කරුණා පිරුණු සිසිලෙන් අප හද තෙමන
මඟ යා යුතුයි සම්බුදු හිමි දෙසු නිවන
අජිත් වික්රමනන්ද වීරසූරිය
මොරගොල්ල, ඉඹුලගස්දෙණිය
නමදිමු බුදුහිමි
අතරක් නැතිව දුක් විඳිනා දිවි කතරේ
සයුරක් ලෙසින් සැරි සරනා බව අඳුරේ
තව දුක් විඳිනු කුමට ද මඟ ඇත අතරේ
දහමක් දෙසු හිමි ගුණ දසතම පැතිරේ
ඉපදී රුකක් මුල බුදු වී රුකක් මුල
ලැබ දී දස දහස් සතහට නිවන් පල
කර දී නිමා හතළිස් පස් වසක් තුළ
සමු දී පිරිනිවිනි මාහිමි රුකක් මුල
ඇතිවන සියලු දේ නැතිවී යන අයුරු
නියත සැබෑ දහමක් පෙන්වා මියුරූ
තෙත් වුණ හදින් මෙත් කරුණා ගුණ පැතිරූ
බැතියෙන තිලෝ ගුරු හිමි නමදිමු මහරූ
පී. ප්රේමසිරි ඩයස්
දුබල සිතට
කිරි සුවඳ දැනෙනවා
රාගයෙන් වැහෙනවා
ලෝ දහම නසනවා
සසර දුර රැඳෙනවා
සදා සැනසුම වැසෙනවා
කිතුල්ගල
රත්නසේකර රූපසිංහ
හෙළ දන හදවත සියපත් පිපුණා
පිපී නිවන් මල් අඹ රුක් අරණේ
නිවුනි දනන් සිත් මේ හෙළ දෙරණේ
මෙත් ගුණ ගැබ්බර මේඝ වළාවෙන්
වට මහ තෙරුවන් ගුණ වරුසාවෙන්
ගලා සතර අත වට මහ දිය කඳ
ගියා මුළා මළ සේදී මුහුදට
එකමුතු බැමි බැඳ මෙත් මුතු රැස් කොට
වැපිරුණි ගුණදම් සිත් කෙත හැඩ කොට
අහස උසට බැති සිත පැන නැඟුණා
ලොව්තුරු ගුණ කඳ සෙල් මත මැවුනා
කලා ශිල්ප දිවි මඟ හැඩ කෙරුණා
හෙළ දන හදවත සියපත් පිපුණා
ඩබ්. විජේන්ද්ර සමරසුන්දර
හම්බෙගමුව |