අමරපුර නිකායේ උපසම්පදා විනය කර්මය

අමරපුර නිකායේ වාර්ෂික උපසම්පදා විනය කර්මය ජූලි 12 වැනි දා රද්දොළුවේ සුබෝධාරාම මහා විහාරාසන්න උදකුඛෙප සීමා මාලකයේ දී අම්බලන්ගොඩ ශ්‍රී සුමංගල මහ නා හිමියන්ගේ ප්‍රධානත්වයෙන් සිදු කිරීමට ශ්‍රී සුමංගල කාරක සංඝසභාව තීරණය කර ඇතැයි එම නිකායේ මහා ලේඛකාධිකාරී රද්දොළුවේ විමලවංස නාහිමියෝ දන්වා සිටිති.

උපසම්පදාපේක්‍ෂක ආකෘති පත්‍ර ලබාගෙන සම්පූර්ණ කර ජූනි 1 වන දාට පෙර නැවත එවිය යුතු බවද උපසම්පදාපේක්‍ෂක හිමිවරු ද උන්වහන්සේලාගේ ආචාර්යන් වහන්සේලා ද ජූලි මස 12 වැනි දා පෙරවරු 08.30 ට පෙර රද්දොළුවේ සුබෝධාරාම මහා විහාරයට වැඩම කළ යුතු බවද කියයි.

උපසම්පදාපේක්‍ෂකයන්ගේ සුදුසුකම් පිරික්සීමේ විනය පරීක්‍ෂණය ජූනි 28 වන දා පස්වරු 3 ට පානදුරේ රන්කොත් විහාරයේ දී සිදු කැරේ.