UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

බුදුසරණ අන්තර්ජාල කලාපය

ශ්‍රී දළදා මාලිගාවේ කඨින පින්කම

කේ. බණ්ඩාරනායක

මහනුවර ශ්‍රී දළදා මාලිගාවේ කඨින චීවර පූජා පින්කම ඔක්තෝම්බර් මස 26, 27 දිනවලදී පැවැත්වේ.

මෙවර පින්කමේ දායකත්වය දරනු ලබන්නේ පින්කමේ මූලිකත්වය ගෙන ක්‍රියාකරන මහනුවර කටුකැලේ ලේඩ්බ්ලේක් උපාසිකාරාමාධිපතිනි කොත්මලේ සුදර්මා සිල් මෑණියන්ගේ අනුශාසනා පරිදි ලක්වාසි බෞද්ධ ජනතාව සමග කොළඹ එදිරිසිංහ පවුලේ පිරිසයි.

26 වෙනිදින සවස 4.00 සිට 5.00 දක්වා ධර්ම දේශනාවකි. සවස 7.15 ට ශ්‍රී දළදා සමිදු උදෙසා පිරිනැමෙන ගිලන්පස බුද්ධ පූජාවකි. කොළඹ ගංගාරාම විහාරයේ සිට පිරිත් සජ්ක්‍ධායනා මධ්‍යයේ රිය පෙරහරකින් මහනුවර කටුකැලේ ලේඩි බ්ලේක් ආරාමය වෙත වැඩමවාගෙන එනු ලබන කඨින චීවරය 27 වෙනි දින අලුයම අලි ඇතුන් සහිත දර්ශනීය පෙරහරකින් ශ්‍රී දළදා මාලිගාවට වැඩම කෙරේ. 27 වෙනි දින අමුතු මුළු තැන් බුද්ධ පූජාවට අනතුරුව දවල් මල්වතු අස්ගිරි මහානායක , අනුනායක මා හිමිවරු ප‍්‍රධාන ශතාධික මහා සංඝරත්නය විෂයෙහි පිරිනමනු ලබන අට පිරිකර සහිත සපිරිකර සංඝගත දක්ෂිණාවකි. කප්රුක් සහිත කඨින චීවර පූජාවෙන් පිංකම අවසන් කෙරේ එම ආගමික වැඩසටහනට ශ්‍රී දළදා මාළිගාවේ දිය වඩන නිලමේ ප්‍රදීප් නිලංග දෑල මහතාද සහභාගි වේ.

1964 සිට කොත්මලේ සුදර්මා සිල්මෑණියන් විසින් ශ්‍රී දළදා මාළිගාවේ පවත්වාගෙන එනු ලබන කඨින පින්කම් මාලාවේ 43 වෙනි කඨින පින්කම මෙය වන අතර ශ්‍රී දළදා සමිදු තේවාව බාරව වැඩ සිටින මල්වතු මහා විහාරයීය කාරක මහා සංඝ සභාවේ කාරක සභික තිබ්බටුවාවේ මේධංකර හිමියන් ප්‍රධාන මල්වතු මහා විහාරයේ මහා සංඝයා වහන්සේ හතර නම ශ්‍රී දළදා මාලිගාවේ වස් එළඹ සිටිති.

 

වප් පුර පසළොස්වක


වප් පුර පසළොස්වක පෝය ඔක්තෝබර් 25 වනදා බ්‍රහස්පතින්දා අපරභාග 02.10 ට ලබයි.
26 වන දා සිකුරාදා පූර්ව භාග 10.22 දක්වා පෝය පවතී.
සිල් සමාදන්වීම ඔක්තෝබර් 25 වනදා බ්‍රහස්පතින්දාය


මී ළඟ පෝය නොවැම්බර් 01 වනදා බ්‍රහස්පතින්දාය.


පොහෝ දින දර්ශනය

Full Moonපසෙලාස්වක

ඔක්තෝබර් 25

Second Quarterඅව අටවක

නොවැම්බර් 01

New Moonඅමාවක

නොවැම්බර් 09

First Quarterපුර අටවක

නොවැම්බර් 17

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | ඉංග්‍රිසි ලිපි | පෙර කලාප | දායකත්ව මුදල් |

© 2000 - 2007 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]