සුපිපුණු සියපත

සාසන නිලඹර පෑයු පුන්සඳ
වෙසරද දම්කඳ මෙත්දිය උල්පත
බොදු දන පින්කෙත අපිස් සීල ගුණ
මහ නාහිමි සඳ සුපිපුණු සියපත

තෙවළා බුදු බණ අටුවා ගැටපද
එකිනෙක සසඳා දෙසු දම් මනහර
සුරගුරු නුවණැස කිසිදින නොකියන
වියත් ගණ මැද තරුපති හිමි සඳ

සිරිමත් අගමහ පඬිවර නාමය
තෙවලා වෙසරද දම්කිත් නාමය
සඳ මෙන් එක විල දිලෙනා නාමය
සක් සුද සේ නිමලයි හිමි නාමය

ගුණ මිණි පහනකි මුලසුන හොබවන
දස දම් සුතුරේ කැඩපත හිමි සඳ
පිදෙනා ආසිරි මල් වැසි වස්සන
වනපස කුසුමින් පුදනට අවසර

ඇත්ගාලේ නන්දසිරි හිමි
පාලක සංඝ සභික
උඩ පළාත

ශ්‍රී ලංකා රාමඤ්ඤ මහා නිකායේ
තුදුස්වන මහා නායක
මකුලෑවේ විමල මහා නාහිමියන් වෙනුවෙන් පිදෙන “ප්‍රණාමාඤ්ජලී”