ශ්‍රී බුද්ධ වර්ෂ 2562 ක් වූ බක් පුර පසළොස්වක පෝය දින රාජ්‍ය වර්ෂ 2019 අපේ‍්‍රල් 19 වනදා සිකුරාදා

ධර්ම දේශනාව:

මිහිරිතම සුවඳ සහ සුවය

යථාපි රුචිරං පුප්ඵං
වණ්ණවන්තං අගන්ධකං
ඒවං සුභාසිතා වාචා
අඵලාහෝති අකුබ්බතෝ
(ධම්ම පදය – පුප්ඵ වග්ගය)

ප්‍රසන්න වූ මල්වල ගුණාත්මක බව තීරණය කිරීම සඳහා හේතු වන මූල සාධක දෙකක් පිළිබඳව සඳහන් වන අතර සමීප ගාථා ද්විත්වයකින් එය ගෙන හැර දක්වා ඇති අයුරු ඉතා මනහර ය. එය අගන්ධක හා සගන්ධක වශයෙන් වර්ග කිරීමේ දී සුවඳ නැති මල් හා සුවඳ ඇති මල් වශයෙන් අරුත් ගැන්වේ. බුද්ධ කාලීන භාරතයෙහි පමණක් නොව වර්තමාන භාරතයෙහි ද මල් පිළිබඳව ඇත්තේ මහත් ඇල්මකි. එය මහා පරිමාණ ව්‍යාපාරයක් බවට ද පත්ව තිබේ. එදා භාග්‍යවතුන් වහන්සේ චාරිකාවෙහි හැසිරෙන අවස්ථාවන්හි දී මග දෙපස අප්‍රමාණ රුවින් හා ගුණින් යුතු මල් වර්ග දකින්නට ඇත. රජ ගෙදරට මල් සපයන මල්කරුවෙකු වූ සුමන නම් පුද්ගලයෙකු රජුගෙන් ලැබිය හැකි මරණ දඬුවම ද නොතකමින්, ඉමහත් ශ්‍රද්ධාවකින් යුතුව මල් පුජා කළ අවස්ථාවක් පිළිබඳ අපේ ධර්ම සාහිත්‍යයේ සඳහන් වේ. තථාගතයන් වහන්සේ තමන් වහන්සේ විසින් ඉතා දුෂ්කරව අවබෝධ කරගත් ධර්මය ශ්‍රාවක ශ්‍රාවිකාවන් සඳහා සන්නිවේදනය කිරීමේ දී විවිධ ක්‍රම උපායන් භාවිත කරන ලද ආකාරය පිළිබඳව ද අපේ ත්‍රිපිටක ධර්මයෙහි සඳහන් වේ.

බක් පුර පසළොස්වක පෝය

බක් පුර පසළොස්වක පෝය අප්‍රේල් 18 වන දා බ්‍රහස්පතින්දා අපර භාග 07.26 ට ලබයි. 19 වන දා සිකුරාදා අපරභාග 04.42 දක්වා පෝය පවතී. සිල් සමාදන්වීම අප්‍රේල් 19 වන දා සිකුරාදා ය.

මීළඟ පෝය අප්‍රේල් 26 වන සිකුරාදා