ශ්‍රී බුද්ධ වර්ෂ 2561 ක් වූ ‍නවම් පුර අටවක පෝය දින රාජ්‍ය වර්ෂ 2018 ජනවාරි 24 වනදා බදාදා

කිරින්දේ පදිංචි එච්.ජි. ප්‍රබෝධ ධනංජය උදයංග සහ ලුනුගම්වෙහෙර පදිංචි පි.එම්. මමාස් දිස්නක යන කුලදරුවන් දෙදෙනා පසුගිය දින මාතර වෙලේගොඩ දී. බම්බලපිටිය සිරි වජිරාරාමාධිපති අමරපුර ධර්මරක්ෂිත මහ නිකායේ මහානායක ත්‍රිකුණාමලයේ ආනන්ද මහා නා හිමියන්ගේ ප්‍රධානත්වයෙන් පැවැති පින්කමේ දී පැවිද්ද ලැබීය. එම කුල දරුවන් දෙදෙනා කිරින්දේ විපුලඤාණ හිමි, ලුනුගම්වෙහෙර සීලසුමන හිමි යන ශාසනික නාමයෙන් සසුන් ගත විය. එම කුල දරුවන් දෙදෙනා ආනන්ද නා හිමිපාණන් වෙතින් පැවිද්ද ලබන අයුරු ඡායාරූපයෙන් දැක්වේ. ඡායාරූප මාතර සමූහ ඩබ්ලිව්.පි. ධර්මසේන.

ජනක වෙත්තසිංහ ලියූ නිවී සැනසිණි රේරුකානේ මහා නාහිමි ග්‍රන්ථය දොරට වැඩුම 25 දා

බුදුසරණ පුවත්පතේ නියෝජ්‍ය කර්තෘවරයකු වශයෙන් සේවය කළ ප්‍රවීණ මාධ්‍යවේදී ජනක වෙත්තසිංහ විසින් ‘සසුනඹරේ සුපුන් සඳක්’ විශේෂාංගය යටතේ බුදුසරණ පුවත්පතට ලියූ ලිපිපෙළ ඇසුරෙන් සම්පාදිත ‘නිවී සැනසිණි රේරුකානේ මහා නා හිමි’ කෘතිය මේ මස 25 වන දා සවස 3.30 ට කොළඹ 07 බෞද්ධාලෝක මාවතේ සමස්ත ලංකා බෞද්ධ මහා සම්මේලන ශාලාවේ දී එළි දැක්වෙයි. කෝට්ටේ කල්‍යාණී සාමගී‍්‍ර ධර්ම මහා සංඝ සභාවේ අනුනායක, පාලි හා බෞද්ධ අධ්‍යයන පශ්චාත් උපාධි ආයතනයේ අධ්‍යක්ෂ මහාචාර්ය කොටපිටියේ රාහුල අනු නා හිමිපාණන් වහන්සේ මුලසුන හොබවන උත්සවයේ ප්‍රධාන දේශනය මහාචාර්ය ප්‍රණීත් අභයසුන්දර මහතා විසින් පවත්වනු ලබයි. කොටපොල අමරකිත්ති, මහාචාර්ය අගලකඩ සිරිසුමන , මහාචාර්ය මැදගොඩ අභයතිස්ස, වහුමුවේ විජයවංශ, හෑගොඩ විපස්සී නාහිමිපාණන් වහන්සේලාගේ දෙසුම් ද පවත්වනු ලබන උත්සවයේ දී නිවී සැනසිණි රේරුකානේ මහා නාහිමි කෘතිය පුදනු ලබන්නේ පොකුණුවිට විනයාලංකාරාරාමාධිපති, කිරිඔරුවේ ධම්මානන්ද නා හිමියන් වෙත ය.

ඉතිරිය»