ගංගොඩවිල සෝම හිමි සමරුවට
වජිරඤාණ ධර්මායතනයේ දී පින්කම්
අපවත් වී වදාළ ගංගොඩවිල සෝම හිමියන්ගේ 9 වන වාර්ෂික ගුණ සමරුව
නිමිත්තෙන් මෙම 12 වන දා මහරගම සිරි වජිරඤාණ ධර්මායතනයේ දී පින්කම්
රැසක් පැවැත්වේ. ඒ අනුව 12 වනදා පස්වරුවේ ප්රදීප පුජාවක් ද 15 වන දා
ජනවිජය සමුළුවද 25 වන දා දවල් සපිරිකර සංඝගත දක්ෂිණාව ද පැවැත්වේ.
අම්පිටියේ සිරි රාහුල නාහිමියන්ගේ 99 වැනි ජන්ම දිනයද යෙදී ඇති එදින
උන්වහන්සේට දිගාසිරි පැතීමද සිදු කැරේ.
ගංගොඩවිල සෝම හිමි සමරා පින්කමක්
අපවත්වී වදාළ ගංගොඩවිල සෝම හිමියන්ගේ 9 වන ගුණානුස්මරණය නිමිත්තෙන්
පින්කම් මාලාවක් වත්තල, හුණුපිටිය ධර්මාරාමයේ දී පැවැත්වේ. ඒ අනුව මෙම
මස 15 දින රාත්රී 8.00 ට ශ්රී ධර්මාරාමයේ දී සන්නස්ගම බුද්ධපිය
හිමියන්ගේ දහම් දෙසුමක් පැවැත්වේ. බත් දන්සැල මෙම 16 දින සවස 5.00 සිට
ශ්රී ධර්මාරාම මාවතේ දී පැවැත්වේ.
වනවාසල තරුණ කැල මඟින් එය සංවිධානය කර ඇත. |