අතරමං වී

එන දා එනවා
තනිවම එනවා
හිස් අතකින් එනවා
යන දා යනවා
තනිවම යනවා
හිස් අතකින් යනවා
එන යන ගමනේ
පින් පව් මඟ හිඳිනා
තනිකම සිත දවනා........

සුවඳ මලක් වී
මව් තුරුලේ
පුංචි පැළය වී
පිය සෙවණේ
සිනාසී හඬනා
නැණ ගුණ වඩනා
නිසි මඟ සොයනා
ගමනක යන මිනිසා......

තණ්හා ආශා
සිත තුළ බැඳෙනා
මෝහෙන් මුළා වෙලා
ලෝභකමින් මත් වී
අඳුරු මන්දිරේ
සිත තනි වීලා
අතරමං වෙලා මිනිසා
සසරේ
සසරේ තවමත්
අතරමං වෙලා මිනිසා....

නීතිඥ
කීර්ති කපුවත්ත
රිදීගම