උනන්තැන්නේ බුද්ධපි‍්‍රය නාහිමියෝ
ප්‍රධාන සංඝනායක ධුරයෙන් පිදුම් ලබති
කළුතර විශේෂ සැම්සන් ප්‍රේමසිරි
 කළුතර තොටමුණේ, අභිනව ප්‍රධාන සංඝනායක ධුරයට කළුතර දියගම ශ්‍රී සුධර්මාකර පුරාණ
විහාරාධිපති උනන්තැන්නේ බුද්ධප්‍රිය නාහිමියෝ පත් කරනු ලැබ සිටිති.
උන්වහන්සේගෙන් සිදුවන ආගමික හා සමාජීය සේවාව අගයමින් කෝට්ටේ ශ්‍රී කල්‍යාණි
සාමග්‍රි ධර්ම මහා සංඝ සභාවේ මහා නායක ප්‍රමුඛ කාරක සංඝ සභාව මගින් එම පදවිය
පිරිනමා ඇත.
නුවරඑළිය දිස්ත්‍රික්කයේ, උඩහේවාහැට, දියතිලක, උනන්තැන්න ග්‍රාමයේ දී 1947 සැප් 27
වන දින ජන්ම ලාභය ලැබූ එගොඩ ගෙදර මුතු බණ්ඩාර නම් වූ කුමරුවා උනන්තැන්න කනිෂ්ඨ
විද්‍යාලය හා දියගම මහා විද්‍යාලයෙන් අධ්‍යාපනය ලැබූහ.
මේ කුමරුවා 1964 සැප්තැම්බර් 11 වැනි දින දියගම ශ්‍රී සුධර්මාකර විහාරස්ථානයේ දී
ලබුගම ශ්‍රී ලංකානන්ද අනුනාහිමි ප්‍රමුඛ මහා සංඝරත්නය වෙතින් පැවිදි බව ලැබූහ .
මොල්ලිගොඩ ප්‍රවචනෝදය මහ පිරිවෙනෙන් අධ්‍යාපනය ලැබූ බුද්ධප්‍රිය නාහිමියන්
අනුරාධපුර භික්ෂු විශ්ව විද්‍යාලයෙන් ත්‍රිපිටකවේදී උපාධිය ද, පේරාදෙණිය විශ්ව
විද්‍යාලයෙන් ශාස්ත්‍රවේදී උපාධිය හා පාලි හා බෞද්ධ විශ්ව විද්‍යාලයෙන් ශාස්ත්‍රපති
උපාධිය ද ලබා ඇත.
දියගම ශ්‍රී සුධර්මාකර විහාරාධිපතිව වැඩ විසූ පෙතිගමුවේ ධීරානන්ද හිමියන්ගේ අපවත්
වීමෙන් පසුව 1987 දී එම විහාරයේ විහාරාධිපති ධූරයට පත්වූහ.
අභිනව නාහිමියන් වෙත ශ්‍රී සන්නස් පත්‍ර ප්‍රදානය කිරීම මේ මස 12 වන දින කෝට්ටේ
රජමහා විහාරස්ථානයේ දී සිදුවීමට නියමිතව ඇත .
උන්වහන්සේ පිළිගැනීමේ උත්සවය මේ මස 13 වැනිදා සවස දියගම ශ්‍රී සුධර්මාකර මහා
විහාරස්ථානයේ දී පැවැත්වේ. |
පුර
අටවක
පසළොස්වක
අව
අටවක
අමාවක
