ශ්රී බුද්ධ වර්ෂ 2565 ක් වූ දුරුතු පුර පසළොස්වක පෝදා 2022 ජනවාරි 17 සඳුදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
ඓතිහාසික හෙයියන්තුඩුව පුරාණ විහාරස්ථානයේ අභිනව තෙමහල් සංඝාරාමයේ වැඩ අවසන් කිරීමේ දෙවන අදියර සඳහා කෙරෙන පුණ්යෙීත්සවය මේ මස 23 වැනි ඉරුදින සිදු කිරීමට නියමිත ය.
හෙයියන්තුඩුව පුරාණ විහාරාධිපති සියනෑ කෝරළයේ ප්රධාන සංඝනායක, ශාස්ත්රපති වැලමිටියාවේ සීලරතන හිමිගේ අධීක්ෂණය යටතේ දායක පිරිසගේ ධන පරිත්යාගයෙන් අධික මුදලක් වැයකොට ඉදිකරගෙන යන මෙම සංඝාවාසය විහාරස්ථ ස්වාමීන් වහන්සේලාට අමතරව විහාරස්ථානයට පිටතින් වඩින සංඝයා වහන්සේලාට නවාතැන් ගැනීමට පැවති විශාල අඩුවක් සපුරා ගැනීමක් වනු ඇත.
සීලරතන නාහිමි විසින් ආරම්භ කළ චෛත්යය, බෝධි ප්රාකාරය, නව විහාර මන්දිරය, බණ මඩුව, නවග්රහ මලුව, ධාතු මන්දිරය, ඇත් පවුර සහිත වළාකුළු බැම්ම, අටවිසි මලුව හා රජමාවත, ලෙන් පියස ආදී විහාර අංගයන් අතර මෙම සුවිශේෂි සංඝාරාමය විහාරස්ථ අභිමානය තවදුරටත් වැඩි කරන්නකි.
වේලාම සූත්රයේ සඳහන් පරිදි රහතන් වහන්සේලා සිය නමකට පසේ බුදුරජාණන් වහන්සේලා සිය නමකට සම්මා සම්බුදුරජාණන් වහන්සේලා සිය නමකට සාංඝික දාන සියයක් දීමටත් වඩා ආනිසංස ඇති පින්කමක් ලෙස සංඝාවාස ඉදිකර පූජා කිරීම සඳහන් කළ හැකි බව පවසන සීලරතන හිමියෝ මෙම පින්කම සඳහා සැමගේ පුණ්යවන්ත දායකත්වය අපේක්ෂා කරන බව පවසති.
අජිත් ධර්මසිරි
ජනවාරි 17 සඳුදා පූර්වභාග 03.19 පුර පසළොස්වක ලබා 18 අඟහරුවාදා පූර්ව භාග 05.19 න් ගෙවේ. 17 සඳුදා සිල්
පසළොස්වක
ජනවාරි 17
අව අටවක
ජනවාරි 25
අමාවක
ජනවාරි 31
පුර අටවක
පෙබරවාරි 08
| PRINTABLE VIEW |
© 2000 - 2022 ලංකාවේ සීමාසහිත එක්සත් ප්රවෘත්ති පත්ර සමාගම සියළුම හිමිකම් ඇවිරිණි. අදහස් හා යෝජනා: [email protected]