අම්බලමේ ගීතය

සිඳු තෙර නොපෙනෙන
දිවි මං තලයේ
විඩා හරින්නට
මේ අම්බලමට
කුමකට කොහි සිට ආවාදෝ
ගමන නිමාවෙනු කවදාදෝ

උඩින් දැවෙනවා
යටින් දැවෙනවා
ගිනි මල් පිපිලා ගත දැවෙනා

විඩා නිවන්නට
කෙම්බිම් සෙව්වද
මිරිඟුවමයි යළි
හමුවන්නේ
දෑස පටලයෙන් වැසුණාදෝ
ගමන නිමාවෙනු කවදාදෝ

උඩින් දැවෙනවා
යටින් දැවෙනවා
ගිනි මල් පිපිලා ගත දැවෙනා

දෑත දෙපයේ වාරුව
සිඳෙනා තුරු
කඳු හෙල් නැග බැස
උසුලා බරපොදි
පොළොව බදාගෙන මිය යන්නේ
ගමන නිමාවෙනු කවදාදෝ
උඩින් දැවෙනවා
යටින් දැවෙනවා
ගිනි මල් පිපිලා ගත දැවෙනා

ආචාර්ය
රත්නපාල වික්‍රමසිංහ