මිහින්තලාවේ ධර්මාලෝකය

පොසොන් පොහෝ දින
මිහින්තලාවම
මෙත් ජලයෙන් සෝදා
මහින්ද මාහිමි සඟුන් පෙරටු කොට
මිස්සක පව්වෙ එදා
බුදුන් දෙසූ බණ තිස්ස රජුන් වෙත
කියා මනස සාදා
ලොවෙන් උතුම් රට කළා මේ පින්බිම
නමදිමු මලින් පුදා

මිහින්තලාවෙන් ධර්මාලෝකය
දසත ම විසිර ගියා
ලක්වැසියන් හැම සිත් තුළ මොහඳුර
සැණෙකින් සැඟව ගියා
දහමින් සැනැහුණු මිනිසුන් බිහිවෙන
පුදබිම් පිරී ගියා
මහ රහතුන්ගෙන් අනුරාපුරයේ
අහස ම වැසී ගියා

ලංකා රජයයි සම්බුදු සසුනයි
ගහට පොත්ත සේ බැඳී ගියා
හෙළ බොදු ආරට ලක්වැසියන් තම
ජීවන ගමෙන්
යෙදී ගියා
සුඛිත මුදිත වූ බත බුලතින් සරු
ගම් බිම් මුළු රට
මැවී ගියා
දෙව් බඹ සේනා හැම වැඳ වැටෙනා
රටකැයි ලෝ තුළ දිලී ගියා

ගී පද සංකල්පනා
තලල්ලේ චන්දකිත්ති හිමි