ශ්‍රී බුද්ධ වර්ෂ 2563 ක් වූ වප් අව අටවක පෝය දින රාජ්‍ය වර්ෂ 2019 ඔක්තෝබර් 21 වනදා සඳුදා

සාර්ථක දිවියක උරුමය

ස්වාමිපුරුෂයෙකු සහ භාර්යාවක වශයෙන් එක්ව ජීවත්වීම අපහසුවිය හැකි ය. නැතහොත් පහසු විය හැකි ය. ස්වාමිපුරුෂයෙකුට සහ භාර්යාවකට එක්ව සතුටින් ජීවත් විය හැක්කේ කෙසේදැයි ප්‍රශ්නයක් නැගුවහොත්, ලැබෙන කිසිම පිළිතුරු දෙකක් එක සමාන නොවනු ඇත. එහෙත් සමහරු පින්වත් ඔබට කියනු ඇත්තේ, එය ඔවුන්ගේ ඡ්‍යොතිෂ්‍යය ඉරණම සහ දෛවය මත රඳා පවතින බවයි. අවඥාවෙන් බලන අය පවසනුයේ, එය දෑවැද්දේ ප්‍රමාණය මත රඳා පවතින බවයි. භාග්‍යවතුන් වහන්සේ මෙම ප්‍රශ්නයට තනි වචනයකින් පිළිතුරු දුන් සේක. එනම්, “හිතකාමීත්වය” යන්න ය. අන්‍යොන්‍ය හිත කාමීත්වය හෙවත් කාරුණිකත්වයේ හා පරිත්‍යාගයේ විශ්ව කාරණා සතර (සතර සංග්‍රහවස්තු) භාවිතයට නැගීම මගින් එක්ව ජීවත් වීමේ සතුට ප්‍රවර්ධනය කෙරෙයි.

වප් අව අටවක පෝය

වප් අව අටවක පෝය ඔක්තෝබර් මස 21 වන දා සඳුදා පූර්ව භාග 06.44 ට ලබයි. 22 වන දා අඟහරුවාදා පූර්ව භාග 05.25 දක්වා පෝය පවතී. සිල් සමාදන්වීම ඔක්තෝබර් 21 වන දා සඳුදා ය.

මීළඟ පෝය ඔක්තෝබර් 27 වන දා ඉරිදා ය