ශ්‍රී බුද්ධ වර්ෂ 2563 ක් වූ නිකිණි අව අටවක පෝය දින රාජ්‍ය වර්ෂ 2019 අගෝස්තු 23 වනදා සිකුරාදා

ගිහි ගෙදරට දහම් වැටක්:

ස්ත්‍රීත්වය කුසලයක් ද? අකුසලයක් ද?

බුදුරජාණන් වහන්සේගේ දේශනාවන්ට අනුව කරුණු විමර්ෂණාත්මකව අධ්‍යයන කොට බලන විට පෙනෙන්නේ පිරිමියකු හෝ ස්ත්‍රියක ලෙස හෝ උපත ලැබීම පෙර සංසාරයේ තමා විසින් සිද්ධ කරනු ලැබූ පුණ්‍ය මහිමයක ප්‍රතිඵලයක් වශයෙන් සිදුවන්නක් බව ය. නමුත් පෙර පිනට උප්පත්තිය ලබන ගැහැනු පිරිමි දෙපාර්ශ්වය ම ඇතැම් විට තම ජීවිතය පවක් බවට පත්කරගනු ලබන අවස්ථා තිබේ. අවබෝධයෙන් තොරව ජීවත්වීම, සමාජය කෙරෙහි දක්වන මෛත්‍රිය අඩුවීම, තමාගේ මනස තමාට පාලනය කර ගැනීමට නොහැකි වීම යන කරුණුවල දී මිනිසා ද, ගැහැනිය ද බොහෝවිට තම ජීවිතය පවක් බවට පත්කරගනු ලබයි. මෙලොව උප්පත්තිය ලබන ස්ත්‍රී, පුරුෂ හැම කෙනෙකුගේ ම මූලික අපේක්ෂාව විය යුත්තේ සිත, කය, වචනය යන තුන්දොර තමාගේ දියුණුව පිණිසත්, පොදු සමාජයේ යහපත පිණිසත් යෙදවීම ය.

නිකිණි අව අටවක පෝය

නිකිණි අව අටවක පෝය අගෝස්තු 23 වනදා සිකුරාදා පූර්ව භාග 08.09 ට ලබයි. 24 වනදා සෙනසුරාදා පූර්වභාග 08.32 දක්වා පෝය පවතී. සිල් සමාදන්වීම අගෝස්තු 23 වනදා සිකුරාදා ය.

මීළඟ පෝය අගෝස්තු 30 වනදා ය.