ශ්‍රී බුද්ධ වර්ෂ 2563 ක් වූ නිකිණි අව අටවක පෝය දින රාජ්‍ය වර්ෂ 2019 අගෝස්තු 23 වනදා සිකුරාදා

බෙල්ලන්විල රාජමහා විහාරය

සිරිලක සුපතල බෙල්ලන්විල රාජමහා විහාරය

බෙල්ලන්විල රාජමහා විහාරයෙහි වංශ කතාව ආරම්භ වන්නේ දෙවනපෑතිස් රජ දවස ශ්‍රී මහා බෝධියෙහි අංකුරයක් මෙම පුණ්‍ය භූමියෙහි රෝපණය කිරීමෙන් පසුව යි. නමුත් ශ්‍රී ලාංකේය ජනතාවගේ පමණක් නොව විදේශීයයන්ගේ ගෞරවාදරයට පාත්‍ර වන විහාරස්ථානයක් බවට පත් වන්නේ අපවත් වී වදාළ බෙල්ලන්විල සෝමරතන නා හිමියන් 1946 විහාරාධිපති ධූරයට පත්වීමත් සමඟ ය. එතැන් සිට වර්තමානය දක්වා ම අතිපූජනීය විහාරස්ථානයක් වශයෙන් මෙම විහාරය චිර ප්‍රසිද්ධියට පත්ව ඇත. බෙල්ලන්විල රාජමහා විහාර වංශ කතාව ආවර්ජනය කරන විට එහි යුග තුනක් දක්නට ලැබේ. දෙවන පෑතිස් යුගය යුගයෙහි විහාරස්ථානය පිහිටුවීම, ශ්‍රී ජයවර්ධනපුර කෝට්ටේ යුගයේ 6 වැනි පැරකුම්බා රජදවස විහාරය නගා සිටුවීම සහ 19 වන සියවසේ මැද භාගයේ දී තෙන්ගොඩගෙදර තෙරුන් වහන්සේ නැවතත් මෙම විහාරය සොයා ගැනීම යි. ඒවගේම වර්තමානයේ බෙල්ලන්විල විහාරස්ථානයෙහි පුනරුදයට ද යුග පුරුෂයන් හෙවත් යතිවරු තිදෙනෙක් මුල්වී ඇති බව නොරහසකි. මෙම විහාරස්ථානය ලෝ සුපතළ කරනු වස් දිවා රෑ නොබලා කටයුතු කළ වර්තමාන විහාරස්ථානයෙහි නිර්මාතෘ අපවත් වී වදාළ බෙල්ලන්විල සෝමරතන නාහිමි යුගය යි.

නිකිණි අව අටවක පෝය

නිකිණි අව අටවක පෝය අගෝස්තු 23 වනදා සිකුරාදා පූර්ව භාග 08.09 ට ලබයි. 24 වනදා සෙනසුරාදා පූර්වභාග 08.32 දක්වා පෝය පවතී. සිල් සමාදන්වීම අගෝස්තු 23 වනදා සිකුරාදා ය.

මීළඟ පෝය අගෝස්තු 30 වනදා ය.

අව අටවක

අගෝස්තු 23

අමාවක

අගෝස්තු 30

පුර අටවක

සැප්තැම්බර් 06

පසෙලාස්වක

සැප්තැම්බර් 13