|
|
මිහින්තලා ලේක්හවුස්
ආලෝක පූජාව
පනස් හයවන වරටත්
26, 27, 28 දින අති උත්කර්ෂවත් ලෙස
සම අනුග්‍රහය ලංකා විදුලිබල මණ්ඩලයෙනි
සම්බුද්ධ පරිනිර්වාණයෙන් දෙසිය තිස්හය වසරකට පසුව ලක් දනන්ගේ ආගමික හා සංස්කෘතික
ඉතිහාසයේ අනුස්මරණීය ම දිනය බවට පත් කරමින් අනුබුදු මිහිඳු මහ රහතන් වහන්සේ ලක්දිවට
වැඩම කොට වදාළේ උතුම් පොසොන් පුර පසළොස්වක පොහෝ දිනක ය. ලක් දනන් අභිමානවත්
ශිෂ්ටාචාරයක උරුමකරුවන් බවට පත් කරන්නට ආරම්භය දුන් උතුම් පුණ්‍ය භූමිය, එදා මිස්සක
පව්ව ලෙස හැඳින්වූ මිහින්තලා පුදබිම වන්දනාමාන කර ගන්නට, ශ්‍රේෂ්ඨ උරුමයක ශ්‍රී
විභූතිය දැක බලා ගන්නට දුරාතීතයේ සිට ම ලක්දිව සිව් දෙසින් බොදු දනෝ ඇදී ආහ.
දියුණු පාරතොට, ගමනා ගමන පහසුකම් කිසිවක් නොතිබි අතීතයේ අපේ මුතුන් මිත්තෝ සැතපුම්
සිය ගණන් දුර බැහැර ගෙවාගෙන මිහින්තලාව වෙත ඇඳී ආවේ ඇතැම් විට දවස් ගණන් ගෙවාගෙන පා
ගමනිනි. ගමන දුෂ්කර වුව තුනුරුවන් කෙරෙහි වූ අප්‍රමාණ ශ්‍රද්ධාව නිසාම ඔවුහු ඒ
කිසිවක් දුෂ්කර යැයි නොසැලකූහ. අනුරාධපුර නගරයේ සිට සැතපුම් අටක පමණ දුරින් පිහිටි,
විසල් ගහ කොළින් ගැවසී ගත්, වන සතුන්ගේ රජ දහනක් ව පැවැති භූමි ප්‍රදේශයක පිහිටි
මිස්සක පව්ව තරණය කිරීම බොහෝ අසීරු කාර්යයක් විය. වෙසෙසින් ඝනදුර රජ කළ මහා රැයේ
රූස්ස ගස් මුදුන් අතුරින් පෙරී ආ මුදු සඳ එළිය පුද බිමට යන මඟ ආලෝකවත් කරන්නට
ප්‍රමාණවත් වූයේ නැත.
ඉතිරිය» |
|
පොසොන් පසළොස්වක පෝය
පොසොන් පසළොස්වක පෝය ජුනි 27 වන දා බදාදා පූර්ව භාග 08.15 ට ලබයි. 28
බ්‍රහස්පතින්දා පූර්වභාග 10.25 දක්වා පෝය පවතී සිල් සමාදන්වීම ජුනි 27 වනදා
බදාදාය.
මීළඟ පෝය ජූලි 06 වන දා සිකුරාදා ය.
|
|
|
|
|
|
|
|
පසෙලාස්වක
අව
අටවක
අමාවක
පුර
අටවක