|
තෙමඟුල සැමරීම
ඉපදී බුදුව පිරිනිවනට වැඩි සමිඳු
වෙසඟේ සඳ එළිය සොයනෙලු වී මෝදු
උවසුන් පෙළගැසී හඬ පාමින් සාධු
තෙමඟුල සමරන්නේ ය බුදු හිමි මඟ පෑදූ
ඩබ්. සංජීව විජය සිරිවර්ධන
සිල්වත්ගම
ගලේවෙල
****
නිර්මල බුදු දහම
පුන් පෝසඳ පිරුණ තෙමඟුල සැමරීම
දුර්මත බිඳ හෙලුණ ලොව සම්බුදු දහම
උපත ද බුදුවීම ලෝසත සැනසීම
බොදු දන නැණ පහන නිර්මල බුදු දහම
කේ. සුන්දර අධිකාරී
****
බුදු රැස්
සඳරැස් පරදන
බුදුරැස් විහිදෙන
සුවහස් සනසන
අනුහස් ගෙන දෙන
වෙසඟේ සිරියෙන
මෙලොවේ සැම දන
නිති මෙත් සිතැතින
වේවා දින දින
දෙහිවල, සරණංකර පාරේ
අසුන්තා අමරසේකර
****
සම්බුදු තෙමඟුල
කරුණා ගුණෙන් අග තැන්පත් වූ මැණික
තිරිසන් සතුන්ටත් මෙත් සැලසූ සේක
සදහම් පහන දල්වා ඒකා ලෝක
කළ වෙසඟය අදයි සණරාමර තිලක
පෙරුම් පුරා ගෙන ඉපදුනෙ වෙසඟ දිනේ
යම පුරටත් නිදහස ලැබුණලු එදිනේ
බුදුබව ලැබුවෙ සහ බුදුහිමි පිරිනිවුනේ
තෙමඟුල උදා වූ පුන් පෝ වෙසක් දිනේ
අමරා කුරුප්පුමුල්ලගේ
උඩහමුල්ල
****
බුදුහිමි දකින්නට මල් පිපුණා
ගසක් – සෙවණ දුන් බව මුදු සිසිල පෙරා
ඇසක් – පුරා බුදු රැස් පෙළහරක් දරා
දොසක් – නොමැති ලෙස අමයුරු මියුරු පුරා
වෙසක් – මල් පිපෙයි සම්බුදු ගුණ සමරා
මැදුම් මග සොයා දුන් දම් ඇසක් සැදේ
රිදුම් සියලු දුක් නිවනා ලොවක් රැඳේ
මුදුන් අත් තබා වඳිනා රුවක් ඇදේ
බුදුන් දකින මල් පිපුණා වෙසක් සඳේ
වික්‍රමසිංහ අතපත්තු
තලවත්තේගෙදර
****
වෙසක් දිනේ ...
දිටියෙන් වෙසඟ දින අසිරිය පෑ ලොවට
පවනින් සැලුනි සල් මල් ‘ලුම්බිණි’ය වට
තබමින් පැතුම මතු සම්බුදු පදවියට
දිනුවෙන් මෙදිය කුස කුමරෙකු ලෝ පිනට
දිව මල් වගුළේය මනු ලොව සැපත් දින
ලොව සුව ගඟුලේ ය බුදු බව පසක් දින
මව මිහි , ගුගුළේ ය පිරිනිවි සෙයක් දැන
තුන් බුදු මඟුලේ ය ලෝ සත වෙසක් දින
පී. බී ගුණරත්න
සුමනතිස්ස පිරිවෙන, දෙහිවල |
අව
අටවක
අමාවක
පුර
අටවක
පසෙලාස්වක