UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

දකුණු ආසියාවේ විශාලතම හිටි පිළිම වහන්සේ ඉදි කිරීම ලබන වෙසක් පොහොයෙන් ඇරඹේ

දකුණු ආසියාවේ විශාලතම හිටි පිළිම වහන්සේ ඉදි කිරීම ලබන වෙසක් පොහොයෙන් ඇරඹේ

දකුණු ආසියාවේ විශාලතම හිටි පිළිම වහන්සේගේ ඉදි කිරීමේ කටයුතු එළඹෙන වෙසක් පුර පසළොස්වක පොහොය දිනයෙන් ආරම්භ කිරීමට නියමිතව ඇත.

අඩි 180 ක උසින් යුත් මෙම අභිනව හිටි පිළිම වහන්සේ ඉදි කරනු ලබන්නේ කොට්ටාව - මාකුඹුර පුරාණ විහාරස්ථානය අසල පිහිටි සුන්දර වෙල් යායකට මැදිවය. දක්ෂිණ අධිවේගී මාර්ගයට මුහුණලා මාකුඹුර පිවිසුමේ ඉදිවන මෙම හිටි පිළිම වහන්සේගේ ඉදිකිරීම් සම්බන්ධයෙන් වූ සාකච්ඡාවක් අතිගරු ජනාධිපති මහින්ද රාජපක්‍ෂ මැතිතුමන්ගේ ප්‍රධානත්වයෙන් ( 26 ) පෙරවරුවේ අරලියගහ මන්දිරයේදී පැවැත්විණි.

2600 වෙනි ශ්‍රී සම්බුද්ධත්ව ජයන්තිය නිමිත්තෙන් ඉදි කරනු ලබන මෙම දර්ශනීය හිටි පිළිම වහන්සේ, හෙළ සංස්කෘතියට ගැලපෙන පරිද්දෙන් ලාංකේය අනන්‍යතාවය සුරක්‍ෂිත වන ආකාරයෙන් ඉදි කිරීමට අපේක්‍ෂිතය.

හිටි පිළිම වහන්සේගේ ඉදිකිරීම් සඳහා රුපියල් මිලියන 300 ක් පමණ වැයවෙතැයි ගණන් බලා ඇති අතර, එම මුදල මහාභාරකාරතුමන් යටතේ පිහිටුවන අරමුදලක් මගින් ලබාගෙන ඉදිකිරීම් කටයුතු සිදු කරගෙන යන ලෙස ජනාධිපතිතුමන් විසින් මෙහිදී උපදෙස් ලබා දුන්නේය.

හිටි පිළිම වහන්සේගේ ඉදිකිරීම රටටත්, ශ්‍රී ලාංකීය බොදු බැතිමතුනටත් මහත් අභිමානයක් මෙන්ම පින් කටයුත්තක් ද වන බැවින්, ජනාධිපතිතුමන් විසින් රුපියල් ලක්‍ෂ 10 ක මුදලක් ඉදිකිරීම් කටයුතු වෙනුවෙන් පරිත්‍යාග කෙරිණි.

මෙම හිටි පිළිම වහන්සේ ඉදිකිරීමට සමගාමීව ඉදිවන පහත බිම් පරිශ්‍රයේදී සමාධි බුද්ධ ප්‍රතිමා වහන්සේලා 2600 නමක් ද තැන්පත් කිරීමට කටයුතු යොදා තිබේ. එමෙන්ම කෞතුකාගාරයක් ද එහි ස්ථාපිත කෙරේ.

මෙම සාකච්ඡාව සඳහා කෝට්ටේ කළ්‍යාණ සාමාග්‍රි ධර්ම මහා සංඝ සභාවේ අනුනායක ඉත්තෑපාන ධම්මාලංකාර අනුනාහිමියන්, එල්ලාවල මේධානන්ද හිමියන්, මහාචාර්ය බෙල්ලන්විල විමලරතන අනුනා හිමියන් ප්‍රධාන ගෞරවනීය මහා සංඝරත්නය සමඟින් අධ්‍යාපන අමාත්‍ය බන්දුල ගුණවර්ධන, බුද්ධශාසන හා ආගමික කටයුතු නියෝජ්‍ය අමාත්‍ය, එම්. කේ. ඒ. ඩී. එස්. ගුණවර්ධන යන මහත්වරුන් ඇතුළු පිරිසක් එක්ව සිටියහ.

 

මැදින් මස අව අටවක පෝය

මැදින් මස අව අටවක පෝය අපේ‍්‍රල් මස 02 වැනිදා අඟහරුවාදා අපරභාග 11.23 ට ලබයි.
03 වැනිදා බදාදා අපරභාග 09.09 දක්වා පෝය පවතී
සිල් සමාදන්වීම අපේ‍්‍රල් මස 03 වැනිදා බදාදා ය.

මීළඟ පෝය
මාර්තු 09 වැනිදා අඟහරුවාදා ය
.


පොහෝ දින දර්ශනය

Second Quarterඅව අටවක

අප්‍රේල් 03

New Moonඅමාවක

අප්‍රේල් 09

First Quarterපුර අටවක

අප්‍රේල් 18

Full Moonපසෙලාස්වක

අප්‍රේල් 25


2013 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

© 2000 - 2013 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]