උපසම්පදා ලබති

කහතුඩුව ශ්‍රී නන්දනාරාමාධිවාසි කහතුඩුවේ සුදස්සී හිමියෝ ජුනි මස 23 වැනි දා මහනුවර මල්වතු මහා විහාර උපෝෂිත සීමාමාලකයේ දී අධිශීල උපසම්පදාව ලබති.

කහතුඩුව ශ්‍රී නන්දනාරාමාධිපති පෙතිගමුවේ සුමනතිස්ස හිමිපාණන්ගේ ශිෂ්‍ය හිමිනම වන සුදස්සි හිමි කහතුඩුව දියගම පාර පදිංචි නිමල් කෝට්ටගේ හා නීටා දුල්මිණි අබේවර්ධන යන දෙපළගේ පුත්‍රරත්නය යි.

උපසම්පදාව ලබන සුදස්සි හිමියන් පිළිගැනීම පිණිස කහතුඩුව ශ්‍රී නන්දනාරාම විහාරස්ථානයේ දී ජුනි මස 27 වැනි දා සවස විශේෂ උත්සවයක් පැවැත්වේ. මංගල ධර්ම දේශනය ද එදින සවස 7.00ට ශ්‍රී නන්දනාරාමයේ දී පැවැත්වේ.

****

ශාස්ත්‍රපති මාබෝපිටියේ විමලඤාණ නාහිමිගේ ශිෂ්‍ය ගම්පොළ උඩඟුරුවත්තේ ශ්‍රී සිද්ධාර්ථ පිරිවෙනෙහි අධ්‍යාපනය හදාරන බෝගමුවේ නන්දසාර සාමණේර හිමි, ජුනි මස 04 වැනි දින මහනුවර අස්ගිරි මහා විහාර රාජකීය උපෝසථාගාරයේ දී අධිශීල සංඛ්‍යාත උපසම්පදා සීලයෙහි පිහිටුවීමට කටයුතු යොදා ඇත. රාජකීය පණ්ඩිත දේවහුවේ සුගුණසාර, හාල්යාලේ විමලරතන යන හිමිවරු ද උපසම්පදාවේ දී ආචාර්යවරුන් වශයෙන් කටයුතු කරයි. බෝගමුවේ නන්දසාර හිමි හඟුරන්කෙත රිකිල්ලගස්කඩ බෝගමුවේ පදිංචි ඩී.ඩී. රත්නසේකර බණ්ඩා සහ ආර්.එම්. නාලනී රත්නායක දෙපළගේ පි‍්‍රය පුත්‍ර රත්නයකි.