කැනඩාවේ බෞද්ධ උරුම මාසය නිල වශයෙන් නම් කෙරෙයි

ලොව පුරා බෞද්ධ ජනතාව ආධ්‍යාත්මීය වශයෙන් බැතියෙන් සමරන වෙසක් සැමරුම යෙදෙන මැයි මාසය කැනඩාවේ බෞද්ධ උරුම මාසය ලෙස නිල වශයෙන් නම් කෙරේ. මේ අනුව බෞද්ධ උරුමයන් සඳහා නිල වශයෙන් මාසයක් කැප කළ ලොව පළමු රට බවට කැනඩාව පත් වේ. එරට ඔටාවා නගරය මැයි මාසය ම බෞද්ධ උරුම මාසයක් ලෙස ප්‍රකාශයට පත් කෙරිණි. ඔටාවා හි නගරාධිපති මාර්ක් සට්ක්ලිෆ් මහතා විසින් නොබෝදා මේ බව නිල වශයෙන් ප්‍රකාශයට පත් කළේය.

මැයි මාසය බෞද්ධ උරුම මාසය ලෙස නිල වශයෙන් නම් කිරීමේ ක්‍රියාවලියට ජාත්‍යන්තර රාජ්‍ය තාන්ත්‍රික සහයෝගය ද ලැබී තිබේ.

මේ නිසා බුදු දහමේ ආධ්‍යාත්මික වටිනාකම, යහපැවැත්ම හා එකමුතුකම ප්‍රවර්ධනය කිරීමේ දී බෞද්ධ කැනේඩියානුවන් ලබා දෙන දායකත්වය සුවිශේෂී ය.

- නිශාන්ත චාමින්ද පීරිස්