දොඩම්ගොල්ලේ සෝරත හිමියන්ට උප ප්‍රධාන සංඝ නායක පදවියක්

ස්‍යාමෝපාලි වංශික මහා නිකායේ මල්වතු පාර්ශ්වයේ මොනරාගල දිස්ත්‍රික්කයේ උප ප්‍රධාන සංඝ නායක පදවියට බිබිල ශාසනාරක්ෂක මණ්ඩලයේ ලේඛකාධිකාරී දොඩම්ගොල්ලේ සෝරත හිමියන් පත්කර ඇත.

ඒ සඳහා වූ පත්වීම් ලිපිය මල්වතු පාර්ශ්වයේ මහා නායක තිබ්බටුවාවේ ශ්‍රී සිද්ධාර්ථ සුමංගල මහා නාහිමියන් ඇතුළු සානු නායක කාරක සංඝ සභාව විසින් එම විහාරස්ථානයේ දී පිරිනමන ලදහ.

මෙම අවස්ථාවට වැලියාය සිරි පියරතන පරිවේණාධිපති කන්දඋඩපංගුවේ සුධම්ම, මොනරාගල දිස්ත්‍රික් ශාසනාරක්ෂක මණ්ඩලයේ ලේඛකාධිකාරී කන්දඋඩපංගුවේ සුගතනන්ද නාහිමියන් ප්‍රමුඛ මහා සංඝරත්නය වැඩම කර සිටියහ.

ඌව වෙල්ලස්ස විශේෂ - ඩී.එස්. ගුණතිලක