සඳකිත් හිමි සැරදේ

සසුන් නුබ විල පුරා සුපිපුණු
රුවන් අරවිඳු නොවන මුකුළිත
මඩිහෙ නා හිමි සෙවණෙ විකසිත
තලල්ලේ සඳකින් සමිඳ අප

අමිල අගයැති සඳුන් කරඬුවකි
ලක් දනන් හට මහරු පින් කෙතකි

පිරූ අඩසිය වසක් මා හිමි
දෙසූ අම දම් මිහිරි අපමණ
දනන් බොදු ගීතයෙන් සැනසුව
සමිඳු බුදුකුරු වේ ය මතු දින

අමිල අගයැති සඳුන් කරඬුවකි
ලක් දනන් හට මහරු පින් කෙතකි

අලව්වේ පැනසිහ සෙනස්න යි
කොළඹ නාරද දහම් අරම යි
අනුරපුර සිරි රහල් අරණයි
අමා දම් මඟ නිබඳ පහයයි

අමිල අගයැති සඳුන් කරඬුවකි
ලක් දනන් හට මහරු පින් කෙතකි

ආචාර්ය රත්නපාල වික්‍රමසිංහ