කප් සුවහස් කල් මුලු තුන් හෙළයට සිරිමා බෝ සරණයි
 

වළා සිපින මහ දාගැබ් මුනි මැදුරු
සමුදුර සදිසි වැව් කෙත්වත් මැව් සොදුරු
අටළොස් සිපින් හා ලක්දිව වැඩි මහරු
බැතියෙන් සිහිකරම් සඟමිත් ගුණ ගැඹුරු

ඉඳුනිල් පත්ය සුදු කඳ දෙව් රුකක් යුරු
පිරිපත දුරු කරන හෙළ දිව කරන සරු
සිරිමා බෝ සමිඳු වැඩමෙව් බුදුන් යුරු
බැතියෙන් සිහිකරම් සඟමිත් ගුණ ගැඹුරු

වේදිස ගිරියෙන් දඹකොල පටුනට පෑයූ සද පහනයි
වනිතා පරපුර යුගැදුරු ගණැදුර දුරුකළ හිරු කිරණයි
මහමෙව්නාවේ සිළි සිළි බෝපත් නිති බුදුගුණ මුමුණයි
කප් සුවහස් කල් මුලු තුන් හෙළයට සිරිමා බෝ සරණයි

මහාචාර්ය
මැදගොඩ අභයතිස්ස හිමි