[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

තැනට සුදුසු නුවණ

තැනට සුදුසු නුවණ

ජීවිතයේ සාර්ථකත්වයට ස්ථානෝචිත ප්‍රඥාව ද මහඟු මිණකි. ඒ සඳහා බුද්ධිමත් බවක් ඇවැසි ය. පොත පතින්, අත්දැකීමෙන්, ශ්‍රවණයෙන් ලද දැනුම ප්‍රායෝගික ව ජීවිතයට ගළපා ගැනීමේ හැකියාව ඇවැසි ය.

ස්ථානෝචිත ප්‍රඥාව නම් තැනට සුදුසු ලෙස කටයුතු කිරීමේ හැකියාව ය. එහෙත් අපේ තරුණයින් අතරින්, ළමයින් අතරින්, ඇතැම්විට වැඩිහිටියන් අතරින් පවා වැඩි පිරිසකට තැනට සුදුසු නුවණ මද ය. පොතපත කටපාඩම් කර විභාග සමත් වෙනවා හැර දැනුම ග්‍රහණය කර නොගැනීම, විචක්ෂණශීලී නොවීම, දැනුම ජීවිතයට ගළපා නොගැනීම ඊට ප්‍රධාන හේතූන් වන්නේ ය.

තැනට සුදුසු නුවණ ජීවිතය බොහෝ අසීරු අවස්ථාවන්ගෙන් මුදා ගන්නට සමත්වෙයි. ජීවත්වීම පහසු කරවයි. එය අතීතයට ද, වර්තමානයට ද, අනාගතයට ද පොදු ය. පංචායුධ ජාතකය ඒ බව ප්‍රකට කරන ජාතක කතාවකි.

පංචායුධ කුමාරයා ශිල්ප ලැබ ආපසු සිය ගම රට බලා යමින් සිටියේ ය. අතරමග දී කුමරු යක්ෂයෙකුට හසු විය. කුමරු බියගුළු නොවී ය. හෙතෙම යක්ෂයා පරාජය කරන්නේ ස්ථානෝචිත ප්‍රඥාවෙනි.

පළමුව අතින් පයින් පහර දී බේරෙන්නට බලයි. අත් පා මුදා ගත නොහැකි ව හිසින් ද පහරදෙයි. අවසානයේ මුළු සිරුරෙන් ම පහර දී බේරෙන්නට උත්සාහ කරයි. එහෙත් කුමරු සෙලවෙන්නටවත් නොහැකි වන සේ යක්ෂයාගේ සිරුරෙහි ම ඇලී යයි. දැන් යක්ෂයාට කුමරු ගොදුරු කර ගැනීමට ඉතා පහසු ය.එහෙත් කුමරු නොවේ බිය වූයේ. තමන්ගේ කුසෙහි විස සහිත ආයුධයක් ඇති බවත්, තමන් ගිල දැමුවේ නම් එම විස සහිත ආයුධය නිසා යක්ෂයා ද ජීවිතක්ෂයට පත්වන බවත් කුමරු කීවේ ය. යක්ෂයා බිය විය. කුමරු අත හැරියේ ය. කුමරු නිරුපද්‍රිතව සිය නුවරට ගියේ ය.

මහා වන මැද යක්ෂයකුට හසුව ජීවිතය බේරා ගන්නට පංචායුධ කුමරුට හැකිවූයේ තැනට සුදුසු නුවණ නිසා මිස නිර්දේශිත විෂයයන් කට පාඩම් කළ නිසා නොවේ.

පොත පත වණ පොත් කර වූ පමණින් , විභාගවලට ම සූදානම් කළ පමණින් දරුවන් ජීවිතය ඉගෙන ගන්නේ නැත. ඔවුන්ට තැනට සුදුසු නුවණ ද තිබිය යුතු ය. නැතිනම් සංකීර්ණ සමාජයේ ජීවත්වීම උගහට ය. සංවේදී බව, අපේකම, අනුකම්පාව, දයාව ඇතුළු ගුණ ධර්ම ද ඉගැන්විය යුතු ය. ඒ තැනට දරුවන් ගෙන යා යුතු වැඩිහිටියන් ය.

වප් අමාවක පෝය

වප් අමාවක පෝය ඔක්තෝබර් 27 වන දා ඉරිදා අපර භාග 12.23 ට ලබයි. 28 වන දා සඳුදා පූර්ව භාග 09.08 දක්වා පෝය පවතී. සිල් සමාදන්වීම ඔක්තෝබර් 27 වන දා ඉරිදා ය.

ඉල් මස පුර අටවක පෝය නොවැම්බර් 04 වන දා සඳුදා ය

පොහෝ දින දර්ශනය

Full Moonඅමාවක

ඔක්තෝබර් 27

First Quarterපුර අටවක

නොවැම්බර් 04

Full Moonපසෙලාස්වක

නොවැම්බර් 12

Second Quarterඅව අටවක

නොවැම්බර් 19

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2019 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]