UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

අමරපුර මහා සංඝ සභාවේ මහ නා හිමිගේ ප්‍රකාශය

අමරපුර මහා සංඝ සභාවේ මහ නා හිමිගේ ප්‍රකාශය

ශ්‍රී ලාංකික භික්ෂූන් වහන්සේලා දෙනමක් තමිල්නාඩුවේදී අන්තවාදී පිරිසකගේ ප්‍රහාරයකට ලක්වීම සම්බන්ධ ප්‍රවෘත්තිය අතිශය කනගාටුදායක ය. එමෙන්ම එය බලවත් අප්‍රසාදයකින් යුතුව හෙළා දකින අතර අපගේ සංවේගය ද පළකරනු කැමැත්තෙමි. එසේම දඹදිව බෞද්ධ සිද්ධස්ථාන සහ වෙනත් ස්ථාන නැරඹීමට යන ශ්‍රී ලාංකික වන්දනාකරුවන්ගේ ද අධ්‍යාපන කටයුතුවල නියුතු ගිහි පැවිදි සියලු දෙනාගේ ද ආරක්ෂාව තහවුරුවන අයුරින් රාජ්‍යතාන්ත්‍රික ක්‍රියා මාර්ගයන් ගතයුතු බවත් අවධාරණය කරන බව ශ්‍රී ලංකා අමරපුර මහා සංඝ සභාවේ සභාපති දොඩම්පහල චන්දසිරි මහ නා හිමියෝ නිවේදනයක් නිකුත් කරමින් දන්වා සිටිති. එම නිවේදනයේ මෙසේද දැක්වේ.

දශක තුනක පමණ කාලයක සිට පැවති යුධ උවදුර අවසන් කොට රට සාමකාමී පරිසරයකට පැමිණ ඇති මෙවන් අවස්ථාවක සමස්ත ලංකාවාසීන්ම දුර දක්නා නුවණින් යුතුව කටයුතු කළයුතු බව අවධාරණය කරනු කැමැත්තෙමි. අතිගරු ජනාධිපතිතුමන් ජිනීවාහි උද්ගතව ඇති ශ්‍රී ලාංකික ප්‍රශ්න නිරාකරණය සම්බන්ධයෙන් බලවත් වෙහෙසකින් කටයුතු කරන අවස්ථාවක අන්තවාදී පිරිස් විසින් ලාංකික ජනයා කුපිත කරවමින් නැවතත් රට ගැටලුකාරී තත්ත්වයකට යොමු කරවන්නට වෙහෙසෙන බවක් මෙ තුළින් පෙනෙන්නට ඇත.

එමනිසා අනුශාසකයන් වහන්සේලා වශයෙන් මෙවන් අවස්ථාවකදී බුද්ධිමත් ව දූරදුර්ශීව ක්‍රියාකළ යුතු අතර ඇතැම්විට අර්බුදකාරී උණුසුම් අදහස් ඉදිරිපත් කරන්නට යාමෙන් රටේ ජනතාව ආවේගශීලී පරිසරයකට පෙළඹෙනු ඇත. එය එසේ සිදු නො විය යුත්තකි. එබැවින් ශ්‍රී ලාංකික සියලු දෙනාම ‘වෛරයෙන් වෛරය නොසන් සිදේ යන සම්බුදු වදන මෙනෙහි කරමින් ඉවසිලිමත්ව සාමකාමීව ක්‍රියා කිරීමට අධිෂ්ඨාන කරගත යුතු බවත් දන්වා සිටිමි, යනුවෙන් සඳහන් වේ.

 

මැදින් මස අව අටවක පෝය

මැදින් මස අව අටවක පෝය අපේ‍්‍රල් මස 02 වැනිදා අඟහරුවාදා අපරභාග 11.23 ට ලබයි.
03 වැනිදා බදාදා අපරභාග 09.09 දක්වා පෝය පවතී
සිල් සමාදන්වීම අපේ‍්‍රල් මස 03 වැනිදා බදාදා ය.

මීළඟ පෝය
මාර්තු 09 වැනිදා අඟහරුවාදා ය
.


පොහෝ දින දර්ශනය

Second Quarterඅව අටවක

අප්‍රේල් 03

New Moonඅමාවක

අප්‍රේල් 09

First Quarterපුර අටවක

අප්‍රේල් 18

Full Moonපසෙලාස්වක

අප්‍රේල් 25


2013 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

© 2000 - 2013 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]