අවුරුදු මංගල්‍ය පෙරහර 14 වන දා
ඊ.එච්. සෝමපාල, කතරගම විශේෂ
රුහුණු කතරගම මහාදේවාලයේ වාර්ෂික අවුරුදු මංගල්‍ය පෙරහර අප්‍රේල් මස 14
දින රාත්‍රි පැවැත්වේ. පෞරාණික චාරිත්‍ර පුද සිරිත්වලට මුල් තැනක්
දෙමින් උඩරට පහතරට මෙන්ම රුහුණු ප්‍රදේශයට ආවේණික බෙන්තර සිංහ හනුමන්තා
භක්ති කාවාඩි නැටුම් හා අලි ඇතුන්ගෙන් යුතුව ඉතාමත් අලංකාර ලෙස පෙරහර
පැවැත්වීමට රුහුණු කතරගම මහාදේවාලයේ බස්නායක නිලමේ ඌව පළාත් සභා
ප්‍රධාන අමාත්‍ය ශෂීන්ද්‍ර රාජපක්‍ෂ මහතා කටයුතු සංවිධානය කර ඇත. මෙදින
චාරිත්‍රානුකූලව සුබ නැකැත් අනුව කතරගම මහාදේවාලයේ ඇරඹෙන දේව පෙරහර
ගණදේවාලය කිරි විහාරය ඉදිරිපිටින් අෂ්ඨඵල බෝධීන් වහන්සේ පුදක්‍ෂිණා කර
මහා වාසල් දොරටුවෙන් මහාවීදියට පිවිසේ.
එම වීදියේ ශ්‍රී අභිනවාරාම විහාරස්ථානය ඉදිරිපිටින් ගමන්කර පෙරහර වල්ලි
අම්මා දේවාලයට පැමිණේ. එම දේවාලයේ දී පෞරාණික චාරිත්‍ර පුද සිරිත් ඉටු
කිරීමෙන් පසුව පෙරහර යළිත් එම වීදියේම ගමන් කර මහාදේවාලයට ගෙවදිනු ඇත.
කතරගම ප්‍රාදේශීය සභාව, ප්‍රාදේශීය ලේකම් කාර්යාලය, නාගරික සංවර්ධන
අධිකාරිය, භෞතික සැලසුම් දෙපාර්තමේන්තුව සෞඛ්‍ය වෛද්‍ය නිලධාරී
කාර්යාලය කතරගම පොලීසිය, පෙරහර සමයේ කතරගම පුදබිමට පැමිණෙන බැතිමතුන්ට
අවශ්‍ය පහසුකම් සැලසීමට කටයුතු සංවිධානය කර ඇත. |
පුර
අටවක
පසෙලාස්වක
අව
අටවක
අමාවක