වස්සානය

සැරසී සුදු වතින් තෙල් මල් ගෙන දෝතින්
එක්වී එක මඟක පන්සල් පැමිණ තුටින්
නික්මී යන දවස පිළිබඳ සිතා නැණින්
සිත් සේ කුසල් කරගන්නට යෙදෙමු ඉතින්

වස්සානය යි මේ එළැඹී තියෙන් නේ
පින් සාරය යි හද තුළ ලියලා එන් නේ
සම්මාදම යි සමඟිව කළ යුතු වන් නේ
අට මහ කුසලයට ඉඩකඩ සැලැසෙන් නේ

අමුණුගොඩ කුසුමා ප්‍රේමරත්න
කුරුණෑගල

එතෙර වෙමි

තුන් ලොව දිනූ සම්බුදු හිමි දැක ගතිමි
මිත්‍යා පවිටු අදහස් හැම ඉවත ලමි
සම්බුදු දහම දැකගත් ‘මුනි’ කෙනෙකු වෙමි
ඉපදෙන මැරෙන සසරින් මම එතෙර වෙමි

පොතුහැර විපස්සී හිමි

වැළපුම

ඊතයිල් හා යුද්ධයෙන් දැන් මගේ පැරදුම අත ළඟයි
සිරෝසිස් වියරුවෙන් හිනැහී පරාජයෙ සුදු කොඩි වනයි
මගේ හිතවත් මිතුර අමතක වී ද ‘අක්මා’ මගේ නමයි
මෙමා වැනසුවෙ නුඹ වැළඳගත් මාර දුවගේ විස තමයි

නිපදවීමට ඇල්බියුමින් අපහසුයි මා හට අනේ
පටක තරලය එකතු වී මගෙ සිරුර ඉදිමෙනවා දැනේ
බඩ ගෙඩිය පිම්බිලා ටික ටික කළ ගෙඩිය වාගේ පෙනේ
මධ්‍යසාරයෙ කෙරුමෙ මහිමය සිහිය දුර්වල වෙනවනේ

අතපයේ වෙර වීරිය ඇති කල මොණර කොළයෙන් විකුම් පා
හිතවතුන් හා අඳුරු කුටි තුළ සිංහ වෙස් ගෙන සිනා පා
වීරයෙකු අද සුනඛයෙකු සේ නිවට දුක් විඳවයි අපා
කිසිම භවයක පවිටු මිතුරන් සමඟ ඇසුරක් නම් එපා

රාජගිරියේ රංජිත් වීරසේකර

උපහාර

කැන්දවින්න නිජබිම හැර විත් ගමට
දක්වා පුදුම ඇල්මක් මේ ජන සැමට
කැක්කුම දැයට හද පතුලේ නිදන් කොට
දිවා රෑ විකුම් පෑ ගුණානන්ද හිමි හට

සතර වරං දෙවි පිහිටයි ගම්බාර
නිකිණි මාසෙ දහඅට වෙනි දින අමර
පැවිදි වියට ගෙවෙනා අඩ සිය වසර
සමිඳුට සෙත් පතා සැමගේ උපහාර

ආර්.ඒ. එස්. කුලවර්ධන
හොප්ටන්

නිමල දහම රැක ගනිමු

එදා දවස අප සමිඟඳුන් වැඩ සිටියා
බුදු හිමි නෙතින් ඒ සැම දෙය දුටුවා
නිර්මල බුදු දහම රට තුළ පැතිර ගියා
දෙනෝ දහක් දෙන නිවනින් නිවන් ගියා

බුදු හිමි දෙසූ නිර්මල ධර්මය ඇත්තේ
ලක්දිව තුළ ය අප එය රැක ගත යුත්තේ
උගත් පඬිවරුන් සිටිමුත් නිති සිත් සේ
අපි සැම දෙනම එකතුව රැක ගත යුත්තේ

ශීලා ජයකොඩි
රාජාංගන පාර , තඹුත්තේගම

උපහාර

කැන්දවින්න නිජබිම හැර විත් ගමට
දක්වා පුදුම ඇල්මක් මේ ජන සැමට
කැක්කුම දැයට හද පතුලේ නිදන් කොට
දිවා රෑ විකුම් පෑ ගුණානන්ද හිමි හට

සතර වරං දෙවි පිහිටයි ගම්බාර
නිකිණි මාසෙ දහඅට වෙනි දින අමර
පැවිදි වියට ගෙවෙනා අඩ සිය වසර
සමිඳුට සෙත් පතා සැමගේ උපහාර

ආර්.ඒ. එස්. කුලවර්ධන
හොප්ටන්

කඨිනය

සිදුරු නොවෙන නොබිඳෙන මහ කුසලයකි
වසරක එක් වරක් කළ හැකි පින්කමකි
සසර දුක් නිවේ නිවනට ඉණි මගකි
සුදනෙනි කෙලෙස් දුරු කළ හොත් යහපතකි

අට මහ කුසලයක දායකයකු වන්ට
කඨිනය හොඳයි වස් චීවරෙ දන් දෙන්ට
වස් කාලයෙ වැඩ සිටි හිමි නමක් හට
පූජා කළොත් ලැබෙනව නිවනට යන්ට

ගොඩරන්මලේ විපස්සී හිමි
ශ්‍රී තපෝදනාරාමය
දික්වැන්නාගම

අනුබුදු මිහිඳු හිමි සමරමු

අනු බුදු මිහිඳු හිමි සිරිලක වැඩි සේක
අප හැම දෙනාටම සදහම් දෙසු සේක
වයසින් අසූ වසරක් මෙහි සිටි සේක
අද වැනි පෝ දිනක නිවනට වැඩි සේක

ලයනල් දසනායක
නාමල් උයන , නියඳගල , පන්නිපිටිය