බොදු පුවත් (ඡායාරූප)
 

සාදු සිරි ජින වන්දනා සංයුක්ත තැටිය එලි දැක්වීම

මහා සංඝරත්නයේ පද සංකල්පනා ඇතුළත් නිර්මාණශීලී, අරුත්බර දහම් සිතිවිලි, සංගීතය සමඟ සුසංයෝගී වූ ගීත 17ක් ඇතුළත් මුල් සංයුක්ත තැටිය මල්වතු මහා විහාරවාසී නියංගොඩ ශ්‍රී විජිතසිරි අනු නා හිමියන් වෙත සරත් ඕවිටිගල මහතා පිරිනැමූ අයුරු ගිරාඹේ මංගල හිමියන් ද මෙහි වෙති.

 ජාතික යොවුන් සේනාංකයේ සැදැහැ ගී සරණිය

ශ්‍රී සම්බුදු තෙමඟුල සිහිගන්වනු වස් ජාතික යොවුන් සේනාංකය සහ වෘත්තීය පුහුණු අධිකාරිය එක්ව සංවිධානය කළ ‘ වෙසක් බැති ගී සරණිය’ වෙසක් මස 24, සිට 27 දින දක්වා ජාතික යොවුන් සේනාංක මූලස්ථාන පරිශ්‍රයේදී පැවැත්විණි. යෞවන කටයුතු හා නිපුණතා සංවර්ධන අමාත්‍යාංශයේ ලේකම් කේ. ඒ. තිලකරත්න මහතා ඇතුළු අමුත්තන් රැසකගේ සහභාගීත්වයෙන් ‘ වෙසක් සැදැහැ ගී සරණිය’ යොවුන් සේනාංක සෞන්දර්ය නිකේතනයේ තරුණ තරුණියන් විසින් ඉදිරිපත් කළ අයුරු.

කඳාන පොල්පිටිමූකලාන සිරිවර්ධන කනිෂ්ඨ ද්විතීයික විදුහලේ ශිෂ්‍ය නායක නායිකාවන්ට පදක්කම් පැළඳීමේ උත්සවයේදී ශිෂ්‍ය නායක ප්‍රමෝද් මධුෂාන් එම විදුහලේ කීර්තිමත් ආදි ශිෂ්‍යයකු වන පොල්පිටිමූකලානේ පඤ්ඤාසිරි හිමියන් අතින් ත්‍යාගයක් ලබා ගත් අයුරු.

ශ්‍රී සීලවිමල දහම් පාසල් සිසුන්ට නිල ලාංඡන පළඳවන උත්සවයේ ප්‍රධාන ආරාධිතයාවූ ඌරාපොල ශ්‍රී අභයරාජ පිරිවෙනේ ආචාර්ය සුළුගුණේ පේමරතන මාහිමියන් විහාරාධිපති හිමියන්ගේ ද සහාය ඇතිව දහම් පාසලේ ශිෂ්‍යයෙකුට නිල ලාංඡනය පැළැඳ වූ අවස්ථාව සේයාරුව - මහනුවර දකුණ විශේෂ: ආර්. එම්. රත්නායක

සම්බුදු තෙමඟුල නිමිත්තෙන් මහජන බැංකු කලා කවය සංවිධානය කළ “ බුදු පුද වන්දනා බැති ගී සරණිය” වෙසක් පොහෝ දින කඩවත වෙසක් කලාපයේත්, පසුදින බෞද්ධාලෝක වෙසක් කලාපයේත් ඉදිරිපත් කෙරිණි. මහජන බැංකුව කලා කවයේ ස්වර්ණ ජයන්ති සැමරුමට සමගාමීව පවත්වනු ලැබූ මෙම බැති ගී සරණියේ ගී පද මාලා හා ගායනය සේවක මණ්ඩල විසින් ඉදිරිපත් කළ අතර, තනු නිර්මාණය හා සංගීතය මහාචාර්ය කෝලිත භානු දිසානායක මහතා විසින් සිදුකර ඇත.