UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

බුදුසරණ අන්තර්ජාල කලාපය

මහනුවර ඇසළ පෙරහර මංගල්‍යය

මහනුවර ඇසළ පෙරහර මංගල්‍යය සතරමහා දේවාලයෙහි සුභ නැකතට කප් සිටුවීමෙන් මෙම මස 19 දින ආරම්භ වෙයි.

නාථ, විෂ්ණු, කතරගම හා පත්තිනි යන දේවාලයන්හි 19 දින පෙරවරු 10.07 ට යෙදෙන සුභ නැකතට නැගෙනහිර දිසාභිමුඛව කප් සිටුවීමට නියමිතය.

කප් සිටුවීමෙන් අනතුරුව දේවාල අභ්‍යන්තර පෙරහර පැවැත්වෙයි. ප්‍රථම කුඹල් පෙරහර ජූලි මස 23 දින වීදි සංචාරය කරනු ඇත.

කුඹල් පෙරහර දින 05 ක් වීදි සංචාරය කිරීමෙන් අනතුරුව ප්‍රථම රන්දෝලි පෙරහර ජූලි 28 වීදී සංචාරය අරඹයි. අවසන් රන්දෝලි මහ පෙරහර අගෝස්තු 01 දින වීදී සංචාරය කෙරෙන අතර පසුදින දවල් පෙරහර පැවැත්වීමෙන් මෙවර මහනුවර ඇසළ පෙරහර මංගල්‍යය නිමාවට පත්වෙයි.

මෙවර මහනුවර ඇසළ පෙරහරට සමගාමීව රුහුණු මහ කතරගම හා දෙවුන්දර පෙරහරද පැවැත්වෙන බැවින් අලි ඇතුන් වැඩි සංඛ්‍යාවක් පෙරහරට සම්බන්ධ කැර ගැනීම අසීරු බවත් එනමුත් අවම වශයෙන් අලි ඇතුන් 80 ක් පමණවත් මහනුවර පෙරහරට සහභාගි කැරවීමට අපේක්ෂා කරන බවත් ශ්‍රී දළදා මාලිගාවේ දියවඩන නිළමේ ප්‍රදීප් නිලංග දෑල මහතා කීය.

මහනුවර ඇසළ පෙරහර මංගල්‍යය නිමිත්තෙන් මෙම මස 23 සිට අගෝස්තු 02 දක්වා මහනුවර නගර මධ්‍යයේ සිට කිලෝ මීටර 03 ක් දුරට ඇති සියලු මත්පැන් අලෙවි සැල් වසා තැබෙනු ඇත.

පෙරහර නැරඹීම සඳහා පැමිණෙන ජනතාව සඳහා අවශ්‍ය ප්‍රවාහන පහසුකම් සැපයීමට ශ්‍රී.ලං.ග,ම දුම්රිය දෙපාර්තුමේන්තුව හා මධ්‍යම පළාත් ප්‍රවාහන අධිකාරිය ඒකාබද්ධව විශේෂ වැඩපිළිවෙළක් සකස් කැර ඇත.

 

අසළ අමාවක පෝය

අසළ අමාවක පෝය ජුලි 18 වනදා බදාදා පූර්ව භාග 09.07 ට ලබයි.
19 වනදා බ්‍රහස්පතින්දා පුර්වභාග 09.53 දක්වා පෝය පවතී.
සිල් සමාදන්වීම ජුලි 18 වනදා බදාදා ය.

මීළඟ පෝය
ජුලි 26 වන දා බ්‍රහස්පතින්දාය.


පොහෝ දින දර්ශනය

New Moonඅමාවක

ජූලි 18

First Quarterපුර අටවක

ජූලි 26

Full Moonපසෙලාස්වක

අගෝස්තු 01

Second Quarterඅව අටවක

අගෝස්තු 09

2012 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

© 2000 - 2012 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]