ලේක්හවුස් නිර්මාතෘ ඩී.ආර්. විජයවර්ධන ශ්‍රීමතාණන්ගේ ජන්ම සමරු පින්කම 23 – 24

ලේක්හවුස් නිර්මාතෘ ඩී.ආර්. විජයවර්ධන ශ්‍රීමතාණන්ගේ 122 වැනි ජන්ම සමරු පින්කම මේ මස 23 සහ 24 යන දිනයන් හි දී ලේක්හවුස් මන්දිරයේ දී පැවැත් වේ. මෙම මස 23 වැනි දා පැවැත්වෙන සර්වරාත්‍රික පරිත්‍රාණ ධර්ම දේශනාවේ අනුශාසනාව ශ්‍රී ජයවර්ධනපුර සරසවියේ කුලපති බෙල්ලන්විල රජමහා විහාරාධිකාරී මහාචාර්ය බෙල්ලන්විල විමලරතන හිමියන් විසින් පවත්වනු ලැබේ.

පසුදා දවල් සපිරිකර සංඝගත දක්‍ෂිණාව පිරිනැමෙන අතර කොළඹ කොටුව ශ්‍රී සම්බුද්ධාලෝක විහාරවාසී කිරින්දේ පේමසිරි හිමියන්ගේ මෙහෙයවීමෙන් මහ සඟරුවන වැඩම කරවනු ලැබේ.

ලේක්හවුස් පාලන අධිකාරියේ පූර්ණ අනුග්‍රහයෙන් හා මෙහෙයවීමෙන් ද ලේක්හවුස් බෞද්ධ සංගමයේ ද අනුග්‍රහයෙන් එම පින්කම් මාලාව සිදු කැරේ.