ශ්‍රී බුද්ධ වර්ෂ 2564 ක් වූ මැදින් අව අටවක පෝදා, 2021 අප්‍රේල් 04 ඉරිදා
[UNICODE]
මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |
ආරක්ෂක ලේකම්වරයා විසින් අටමස්ථානාධිපති හිමියන්ට නිදන් කිරීම පිණිස නිදන් වස්තු පිරිනැමූ අවස්ථාව.
තිස් වසරක් තිස්සේ මෙරට පැවැති ත්‍රස්තවාදී යුද්ධය අවසන් වූයේ හැත්තෑ දහසකට අධික ජීවිත රටට අහිමි කරමිනි. ආරක්ෂක අංශවල සාමාජිකයන්ගේ තරුණ ජීවිත 29,000කට අධික සංඛ්‍යාවක් යුද්ධය වෙනුවෙන් පුද කළ අතර, නිරායුද සිවිල් ජනතාව මෙන්ම බෙදුම්වාදයට යොමු කළ උතුරු හා නැඟෙනහිර ජනතාවගේ ජීවිතද මේ සංඛ්‍යාවට අයත් ය. මෙහිදී විශේෂයෙන් ම අප සඳහන් කළ යුත්තේ රට රැක ගැනීම වෙනුවෙන් මරණය දකිමින් රට බේරා ගැනීම වෙනුවෙන් සටන් වැදුණු රණවිරුවන් ගැනය. ඔවුන් එදා ජීවිත පූජා නොකළා නම් අපට ජීවත්වන්නට රටක් ඉතිරි වන්නේ නැත. යුද ජයග්‍රහණ වෙනුවෙන් අතීත රජ දරුවන් ද වෙහෙර විහාර ඉදි කර තිබේ. ගිරි නිගණ්ඨයා පළවා හැර අභයගිරිය සාදන්නට වළගම්බා රජු කටයුතු කෙළේ ද එවන් එක් සිහි කිරීමක් උදෙසා ය. එළාර රජු පරාජයට පත් කර රට එක්සේසත් කිරීමෙන් අනතුරුව දුටුගැමුණු රජතුමා ද වෙහෙර විහාර රැසක් ඉදි කළේ ය. එවන් අතීත ශ්‍රී විභූතියක් ඇති ශ්‍රී ලංකාවේ මෑත දශක ගණනාවක ඉතිහාසයේ අප මුහුණ දුන් බෙදුම්වාදී යුද්ධය වෙනුවෙන් දිවි පිදූ මෙන්ම රණක්ෂිතයට පත් රණවිරුවන් උදෙසා කළ ගුණ සැලකීම වෙනුවෙන් අතීත ශ්‍රී විභූතියට හිමිකම් කියන අනුරාධපුරයේ ම සුවිසල් දාගැබක් ඉදි කරන්නට සැලසුම් කොට ඇත. ඒ අනුව එවකට ජනාධිපති ධුරය දැරූ මහින්ද රාජපක්ෂ මැතිතුමා 2010 වසරේ නොවැම්බර් 22 වැනිදා ඒ වෙනුවෙන් වැඩ කටයුතු ආරම්භ කළේ ය. තිස් වසරක යුද්ධය අවසන් වූයේ 2009 වසරේ මැයි මස 19 වැනිදා වන අතර මේ සෑය එම විරුවන්ගේ දිවි පිදීම හා රණක්ෂිතභාවයට පත් වීම වෙනුවෙන් කරන්නා වූ කළ ගුණ සැලකීමක් ලෙස පෙන්වා දිය හැකිය.
අප්‍රේල් 04 ඉරිදා පූර්වභාග 04. 12 අව අටවක ලබා. 05 සඳුදා පූර්වභාග 02.59 ගෙවේ. ඉරිදා සිල්.
අව අටවක
අප්‍රේල් 04
අමාවක
අප්‍රේල් 11
පුර අටවක
අප්‍රේල් 20
පසළොස්වක
අප්‍රේල් 26
© 2000 - 2021 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම සියළුම හිමිකම් ඇවිරිණි. අදහස් හා යෝජනා: [email protected]
අව
අටවක
අමාවක
පුර
අටවක
පසළොස්වක
