මිහින්තලා ලේක්හවුස් ආලෝක පූජාවෙන්...
 

මිහින්තලා පුදබිම

පනස්තුන්වන වරටත් පවත්වන ලද මිහින්තලා ලේක්හවුස් ආලෝක පූජාවේ දෙවන දිනය දා (31) ප්‍රධාන ආරාධිතයා වූ විපක්ෂ නායක නිමල් සිරිපාල ද සිල්වා මහතා ආලෝක පූජාව විවෘත කළ අවස්ථාව. මිහින්තලා රජමහා විහාරාධිපති වළවාහැංගුණවැවේ ධම්මරතන නා හිමි, කෘෂිකර්ම අමාත්‍ය දුමින්ද දිසානායක, මිහින්තලේ ප්‍රාදේශීය ලේකම් රුවන් ඒකනායක, ලේක්හවුස් මුල්‍ය අධ්‍යක්ෂ එමිරික් ප්‍රනාන්දු, ලේක්හවුස් සාමාන්‍යාධිකාරී අභය අමරදාස මහත්වරුන් ඇතුළු පිරිස මෙහි වෙති.

මිහින්තලා ලේක්හවුස් ආලෝක පූජාව ඉකුත් (01)දා ජනාධිපති මෛත්‍රීපාල සිරිසේන මහතා විසින් විවෘත කළ අවස්ථාව. මිහින්තලා රජමහා විහාරාධිපති වළවාහැංගුණවැවේ ධම්මරතන නාහිමියන්, අමාත්‍යවරුන් වන පාඨලී චම්පික රණවක, දුමින්ද දිසානායක, චන්ද්‍රානි බණ්ඩාර, උතුරු මැද පළාත් ආණ්ඩුකාර පී.බී. දිසානායක, උතුරු මැද ප්‍රධාන අමාත්‍ය පේෂල ජයරත්න, ජනමාධ්‍ය අමාත්‍යාංශයේ ලේකම් කරුණාරත්න පරණවිතාන, ලංකාවේ සීමාසහිත එක්සත් ප්‍රවෘත්ති පත්‍ර සමාගමේ සභාපති කාවන් රත්නායක මහත්වරුද මෙහි වෙති.

පනස්තුන්වන වරටත් පවත්වන ලද මිහින්තලා ලේක්හවුස් ආලෝක පූජාව පොසොන් පෝදා (02) අග්‍රාමාත්‍ය රනිල් වික්‍රමසිංහ මහතා අතින් විවෘත කැරිණ. මිහින්තලා රජමහා විහාරාධිපති පූජ්‍යපාද වළවාහැංගුණවැවේ ධම්මරතන නාහිමි ඇතුළු මහ සඟ රුවනෙහි ආශිර්වාද මධ්‍යයේ සිදු කෙරුණු එම පින්කමට අමාත්‍යවරුන් වන ගයන්ත කරුණාතිලක, පී. හැරිසන්, චන්ද්‍රානි බණ්ඩාර, අනුරාධපුර දිසා ලේකම් ඩී.පී.ජී. කුමාරසිරි, ස්වාධීන රූපවාහිනි සේවයේ සභාපති මහාචාර්ය ධම්මික ගංගානාත් දිසානායක, ලේක්හවුස් සභාපති හා කළමනාකාර අධ්‍යක්ෂ කාවන් රත්නායක මහත්වරු ඇතුළු මිහින්තලේ එ.ජා.ප සංවිධායක කරුණාරත්න හේරත්, ලේක්හවුස් කර්තෘ මණ්ඩල අධ්‍යක්ෂ සමන් වගආරච්චි මෙහෙයුම් අධ්‍යක්ෂ ලක්ෂ්මන් හේවාපන්න, නීති අධ්‍යක්ෂ සිරිමෙවන් ඩයස්, ලේක්හවුස් සාමාන්‍යාධිකාරී අභය අමරදාස, නියෝජ්‍ය සාමාන්‍යාධිකාරීවරුන් වන වරුණ මල්ලවාරච්චි, නාරද සුමනරත්න සුභාෂ් කරුණාරත්න, සහකාර සාමාන්‍යාධිකාරී සුජීව ජයතිලක යන මහත්ම මහත්මීහු ඇතුළු ලංකා බැංකුව, ඩයලොග් සමාගම, ලංකා විදුලිබල මණ්ඩලය සහ අබාන්ස් ආයතනවල නිලධාරීහුද එම උත්සවයට සහභාගි වූහ.
 

මිහින්තලා ලේක්හවුස් ආලෝක පූජාව ඉකුත් (30) වැනිදා මිහින්තලා පුදබිමේ උඩමළුවේදී ආරම්භ විය. මිහින්තලා රජමහා විහාරාධිපති හා භාරකාර පූජ්‍යපාද වළවාහැංගුණවැවේ ධම්මරතන නාහිමියන් ගේ අනුශාසනා පරිදි අමාත්‍යවරුන් වන ගාමිණි ජයවික්‍රම පෙරේරා, පී. හැරිසන්, උතුරුමැද ප්‍රධාන අමාත්‍ය පේෂල ජයරත්න මහත්වරු ඇතුළු මහජන නියෝජිතයන් හා උතුරුමැද පළාත් ආණ්ඩුකාර පී. බී. දිසානායක, ලංකාවේ සීමාසහිත එක්සත් ප්‍රවෘත්ති පත්‍ර සමාගමේ මූල්‍ය අධ්‍යක්ෂ එම්රික් ප්‍රනාන්දු මහතා, බුුද්ධ ශාසන අමාත්‍යාංශයේ ලේකම් වසන්ත ඒකනායක, ලංකා විදුලිබල මණ්ඩලයේ උතුරුමැද පළාත් නියෝජ්‍ය සාමාන්‍යාධිකාරී පියසිරි ගුණසිංහ මහත්වරු ඇතුළු නිලධාරීන් රැසකගේ සහභාගිත්වයෙන් ආලෝක පූජාව විවෘත කළ අයුරු.

"බුදුසරණ" ස්වර්ණ ජයන්තිය නිමිත්තෙන් ඉකුත් පොසොන්පුර
පසළොස්වක පෝදා ජනාධිපති මෛත්‍රීපාල සිරිසේන මහතා වෙත "බුදුසරණ" පුවත්පත සීමාසහිත එක්සත් ප්‍රවෘත්ති පත්‍ර සමාගමේ සභාපති හා කළමනාකාර අධ්‍යක්ෂ කාවන් රත්නායක මහතා විසින් පිළිගැන්වූ අවස්ථාව. අමාත්‍ය දුමින්ද දිසානායක මහතා ද මෙහි සිටී.