බළන්ගොඩ ආනන්ද මෛත්‍රෙය මහ නාහිමි ජන්ම සමරු උළෙල
අභිධජ මහා රට්ඨගුරු අපවත් වී වදාළ බළන්ගොඩ ආනන්ද මෛත්‍රෙය මහ
නාහිමිපාණන් වහන්සේගේ 115 වන ජන්ම දිනය මෙම මස 24 වනදාට යෙදීම
නිමිත්තෙන් උන්වහන්සේගේ ගුණානුස්මරණය කරනු වස් පවත්වනු ලබන ජන්ම දින
සැමරුම් උළෙල මෙම 27 වන දා පස්වරු 3 ට අමරපුර මහා නිකායේ උත්තරීතර
මහානායක අග්ග මහා පණ්ඩිත දවුල්දෙන ඤාණිස්සර මහනාහිමියන්ගේ මූලිකත්වයෙන්
කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ
මිහිලක මැදුරේදී පැවැත්වේ.
විශේෂ සමරු දෙසුම මහාචාර්ය සුමනපාල ගල්මංගොඩ මහතා විසින් පවත්වනු ලබන
අතර බළන්ගොඩ ආනන්ද මෛත්‍රෙය පදනම මගින් පවත්වාගෙන එනු ලබන ශිෂ්‍යාධාර
ප්‍රදානය අධ්‍යාපන අමාත්‍ය බන්දුල ගුණවර්ධන මහතා සහ සබරගමු පළාත්
ආණ්ඩුකාර වි.ජ.මු. ලොකුබණ්ඩාර මහතාගේ සහභාගිත්වයෙන් පැවැත්වීමට මහරගම
ආනන්ද මෛත්‍රෙය මාවතේ ශ්‍රී චන්ද්‍රසේකරාරාමයේ බළන්ගොඩ ආනන්ද මෛත්‍රෙය
පදනමේ සභාපති බඹරබොටුවේ ආනන්ද මංගල හිමියන් විසින් කටයුතු යොදා ඇත. |
අව
අටවක
අමාවක
පුර
අටවක
පසෙලාස්වක