UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

උඩගම ශ්‍රී සුධර්මානන්ද විහාරය

උඩගම ශ්‍රී සුධර්මානන්ද විහාරය

උඩගම ශ්‍රි සුධර්මානන්ද විහාරය වසර 300කට වැඩි ඉතිහාසයක් ඇති ප්‍රදේශවාසී ජනතාවගේ ගෞරවාදරයට පත් විහාරස්ථානයකි.

විහාර ඉතිහාසය සැලකූ විට යතිවරයාණන් වහන්සේ කිහිප නමක්ම විහාරාධිපති ධූරය දැරූ අතර උන් වහන්සේ සියලු දෙනාම ජනතාවට හිත පිණිස ඇප කැපවී වැඩකටයුතු කර ඇත. කෙහෙල්ගමුවේ සීලරතන හිමි, කන්ගලසරණපාල හිමි, පොල්ගහ අංග සුදස්සී හිමි, උලපනේ පඤ්ඤානන්ද හිමිවරුන්ගේ අගනා සේවය සදා අමරණීය වේ.

ශ්‍රී සුධර්මානන්ද විහාරයේ වත්මන් විහාරාධිපති කිරිඳිවත්තේ සුමනසාර හිමියන්ය. විහාරාධිකාරිත්වය නුගගොල්ලේ විමලසාර හිමියෝ උසුලති. කිරිඳිවත්තේ සුමනසාර හිමියන් 2006 වර්ෂයේදී විහාරාධිපති ධූරය භාර ගනිමින් විහාරයේ ගරා වැටෙමින් තිබූ ගොඩනැඟිලි ප්‍රතිසංස්කරණය ඇරැඹූහ. ඉන්පසු වත්මන් විහාරස්ථානයේ නුගගොල්ලේ විමලසාර හිමියන් වෙත විහාරාධිකාරිත්වය හිමි කරමින් දායක සභාව ඒකරාශී කරගැනීම නිසා සියලු කාර්යයන්හි අනුශාසකත්වය උන්වහන්සේට ලබා දුන්හ. විහාරයේ අභාවයට යමින් තිබූ විහාරාංග අලුත්වැඩියා කරමින් නව ධර්ම ශාලාව බෝධි ප්‍රාකාරය රන්වැට, ධාතු මන්දිරය ඉදිකරන ලදී . මෙහිදී ප්‍රදේශවාසීන්ගෙන් ලැබුණු ඇප කැප වීම සුවිශේෂී වෙයි.

විහාරස්ථානය ඇසුරෙන් නිතිපතා, සතිපතා, මාසිකව සංවිධානය කරන පින්කම් බොහෝය. දානමාන, ධර්ම දේශනා, ශීල සමාදාන හා භාවනා වැඩසටහන් මඟින් ළඳරු ළමා, තරුණ තරුණියන්, වැඩිහිටියන් යහමගට ගැනීමට විහාරාධිපති හිමියෝ දැඩි වෙහෙසක් දරති.

උඩගම, ජාපාවත්ත, උඩගමකන්ද, ඉනදවිට, සිංහපුර ,උදානගම, පිල්ලෑව, ගෝනපොල, වරකාපිටිය ඇතුළු ගම් රැසක ජනතාවට ඇති එකම විහාරස්ථනය මෙය වෙයි.

 

වෙසක් පුර අටවක පෝය

 

වෙසක් පුර අටවක පෝය මැයි මස 02 වන දා අඟහරුවාදා අපරභාග 08.51 ට ලබයි. 03 වන දා බදාදා අපරභාග 07.51 දක්වා පෝය පවතී. සිල් සමාදන්වීම මැයි 3 වන දා බදාදාය.
 

මීළඟ පෝය මැයි මස 10 වන දා බදාදා ය.


පොහෝ දින දර්ශනය

First Quarterපුර අටවක

මැයි 03

Full Moonපසෙලාස්වක

මැයි 10

Second Quarterඅව අටවක

මැයි 18

Full Moonඅමාවක

මැයි 25


2017 පෝය ලබන ගෙවෙන වේලා සහ සිල් සමාදන් විය යුතු දවස්

 

|   PRINTABLE VIEW |

 


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

 

© 2000 - 2017 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]