බෙල්ලන්විල ඇසළ පෙරහර ජූලි 30 සිට අගෝස්තු 16 වැනිදා දක්වා

බෙල්ලන්විල රාජමහා විහාරාධිපතිව වැඩ විසූ අතිපූජ්‍ය බෙල්ලන්විල ශ්‍රී සෝමරතන නාහිමියන්ගේ අනුශාසනා පරිදි ආරම්භ කරන ලද වාර්ෂික ඇසළ මහා පුණ්‍යොත්සවය මේ මස 30 වෙනි දා ආරම්භ වේ. ඇසළ පෙරහර නිමිත්තෙන් පැවැත්වෙන සති පිරිත් දේශනය අගෝස්තු මස 02 වැනි දා ආරම්භ කෙරේ. අගෝස්තු 05 වැනිදා කප් සිටුවීම සිදු කරයි. දේවදූත පෙරහර හා කුඹල් පෙරහර අගෝස්තු මස 08 වැනි දිනද, මල් පෙරහර අගෝස්තු 9, 10, 11, 12 දිනවලද, පාවාඩ පෙරහර අගෝස්තු 13 වෙනි දිනද, රන්සිවිලි පෙරහර අගෝස්තු 14 වැනිදා ද, රන්දෝලි මහා පෙරහර අගෝස්තු මස 15 වැනි දිනද පෞරාණික චාරිත්‍රානුකූලව දිය කැපීමේ මංගල්‍යය අගෝස්තු මස 16 වැනිදායින් සිදුකිරීමෙන් පසුව බෙල්ලන්විල ඇසළ මහ පෙරහරේ වැඩකටයුතු අවසන් කෙරේ.