දම්පල් 150 වැනි ජන්ම දින සැමරුම බුද්ධගයාවේදී
සත්කාරත්වය ගාල්ලේ සවිය සංවර්ධන පදනමෙන්
ශ්‍රීමත් අනගාරික ධර්මපාලතුමන්ගේ 150 වැනි ජන්ම දින සැමරුම නිමිත්තෙන්
ශ්‍රී ලංකාවේ ගාල්ල සවිය සංවර්ධන පදනම මඟින් ඉන්දීය මහා බෝධි සමාගම
බුද්ධගයා මධ්‍යස්ථානය සමඟ සහයෝගිතාවයෙන් සිරි දම්පල් ජන්ම දින සැමරුම්
වැඩසටහන් මාලාවක් පැවැත්වීමට කටයුතු යොදා ඇත. එය 2014 සැප්තැම්බර් මස
16 සහ 17 දිනයන්හිදී බුද්ධගයා මහාබෝධි මූලස්ථානයේදී සහ පූජාභූමි
පරිශ්‍රයේදී ආගමික සාමාජික සංස්කෘතික වශයෙන් පැවැත්වෙනු ඇත.
විශේෂයෙන්ම මෙහිදී අනගාරික ධර්මපාලතුමන් රට දැය, සමය වෙනුවෙන් හා ලෝක
ශාසනික ව්‍යාප්තියට සිදුකළ මෙහෙවර අලලා ඉංගී‍්‍රසි හා සිංහල භාෂාවෙන්
ලියැවුනු ග්‍රන්ථ සමූහයක්ද එළි දැක්වීමට නියමිතය. දාන, ශීල, භාවනා
වැඩසටහන්වලට අමතරව ගයාවේ පාසල් ළමුන් අතර ධර්මපාල අනුස්මරණ අධ්‍යාපනික
තරග මාලාවක්ද, එතුමන්ගේ උදාර සංකල්පය හා ක්‍රියාකාරකම් නිසා දේශ
දේශාන්තරයන්හි බුදුදහම ප්‍රචාරයවීමත් සමඟ ඇති වූ බෞද්ධ පුනර්ජීවය යළි
යළිත් ලෝක ප්‍රජාව වෙත ගෙනයාමේ අව්‍යශතාවය සනිටුහන් කෙරෙන බොදු
සමුළුවක්ද මෙම දිනයන්හිදී සංවිධානය කෙරේ.
මහා සංඝයා වහන්සේ එකසිය පනස්නමක් විෂයෙහි පිරිකර සහිත මහා දානමය
පින්කමක්ද, මෙම දිනය සංකේතවත් කරමින් බුද්ධගයා මහාබෝධි මූලස්ථානයේදී
පැවැත්වෙනු ඇත. මෙහි අනුශාසකත්වය දරනු ලබන්නේ ඉන්දීය මහාබෝධි සමාගමේ
මහලේකම් පූජනීය පැල්වත්තේ සීවලි හිමිපාණන් වහන්සේ විසිනි.
ධර්මපාලතුමන්ගේ ජාතික, ආගමික හා ශාසනික දිවිමඟ අලලා සංස්කෘතික දැක්මක්
සහිත අනුස්මරණ පෙරහරක්ද බුද්ධගයා පුණ්‍යභූමිය ආශි‍්‍රත ප්‍රදේශය තුළදී
ගමන් කරවීමටද, කටයුතු කෙරේ.
රුහුණු විශ්ව විද්‍යාලයේ කුලපති අග්ගමහා පණ්ඩිත මහෝපාධ්‍යාය පල්ලත්තර
සුමනජෝති නාහිමිපාණන් වහන්සේගේ අනුශාසකත්වයෙන් සංවිධානය කෙරෙන සවිය
සංවර්ධන පදනම හා සවිය සංචාරක සේවයේ මෙහෙයවීමෙන් වූ ‘සිරි දම්පල් ජන්ම
දින සැමරුම’ සඳහා සහභාගිවීමට කැමැත්තක් දක්වන මහාසංඝයා වහන්සේලාට හා
බැතිමතුන්ද විශේෂ ආරාධනාවක්ද කෙරේ. ඒ අනුව 2014 සැප්තැම්බර් 15 දිනසිට
කි‍්‍රයාත්මක එකී පින්කම් මාලාවට සහභාගි වීමටත් අපේක්ෂා කරන්නන් වැඩි
විස්තර සංවිධායක, සවිය සංවර්ධන පදනම , 24/ඒ වේවැල්වල පාර, ගාල්ල යන
ලිපිනයට හෝ අංක 091 – 2245781, 077 3987517 දුරකතනයෙන් වැඩි විස්තර
දැනගත හැක. |
අව
අටවක
අමාවක
පුර
අටවක
පසෙලාස්වක