UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

කැලණිය බොල්ලෑගල මානෙල්වත්ත ජාත්‍යන්තර බෞද්්ධ අධ්‍යයන විද්‍යායතනයේ ඩිප්ලෝමා සහතික ප්‍රදානෝත්සවය

කැලණිය බොල්ලෑගල මානෙල්වතු මහා විහාරස්ථානයට අනුබද්ධ ජාත්‍යන්තර බෞද්ධ අධ්‍යයන විද්‍යායතනය මඟින් මෙහෙයවනු ලබන බුද්ධශ්‍රාවිකා ආගමික හා සමාජයීය නිපුනතා ප්‍රවර්ධන ඩිප්ලෝමා පාඨමාලාව පස්වන වරටත් සාර්ථකව නිමාකරන ලද බුද්ධශ්‍රාවිකාවන් 50 නමක් උදෙසා ඩිප්ලෝමා සහතික ප්‍රදානෝත්සවය 2013 අගෝස්තු මස 02 දින ආයතන පරිශ්‍රයේ දී සිදුකරන ලදී.

මානෙල්වතු මහා විහාරාධිපති, ආයතනාධිපති, තායිවානයේ ප්‍රධාන සංඝනායක ආචාර්ය බෝදාගම චන්දිම නා හිමිපාණන් වහන්සේගේ අනුශාසනා පරිදි ක්‍රියාත්මක වන එම පාඨමාලාව හදාරණ බුද්ධ ශ්‍රාවිකාවන් උදෙසා සියලු අධ්‍යාපන පහසුකම් නොමිලයේ ලබාදීම ද විශේෂත්වයකි.

එම සහතිකපත්‍ර ප්‍රදානෝත්සවය සඳහා සබරගමුව විශ්වවිද්‍යාලයේ කුලපති අග්ගමහා පණ්ඩිත මහාචාර්ය කුඹුරුගමුවේ වජිර නා හිමි, ආයතනයේ කළමනාකාර අධ්‍යක්‍ෂ ආචාර්ය පල්ලේවෙල සාරද නා හිමි ඇතුළු සම්භාවනීය විද්වත් පිරිසක් ද කථිකාචාර්ය මණ්ඩලය හා බුද්ධ ශ්‍රාවිකාවෝ ඇතුළු විශාල පිරිසක් ද සහභාගි වූහ.

අයදුම්පත් කැඳවීම - කැලණිය මානෙල්වත්ත මහා විහාරස්ථානයට අනුබද්ධ ජාත්‍යන්තර බෞද්ධ අධ්‍යයන විද්‍යායතනය මඟින් පවත්වාගෙන යනු ලබන බුද්ධශ්‍රාවිකා ආගමික හා සමාජයීය නිපුණතා ප්‍රවර්ධන ඩිප්ලෝමා පාඨමාලාවේ 06 වන කණ්ඩායම සඳහා ද අයැදුම්පත් කැඳවා ඇත. එම පාඨමාලාවට අදාළ නේවාසික පහසුකම් හා වෙනත් පහසුකම් සියල්ල ආයතනය මඟින් නොමිලයේ සපයනු ලබන අතර පාඨමාලාව හය මාසික හා වාර්ෂික වශයෙන් සංවිධානය කර තිබේ. පාඨමාලාව හැදෑරීමට අපේක්‍ෂා කරන බුද්ධ ශ්‍රාවිකාවන් සිය මූලික තොරතුරු ඇතුළත් අයදුම්පත්‍ර කළමනාකාර අධ්‍යක්‍ෂ, ජාත්‍යන්තර බෞද්ධ අධ්‍යයන විද්‍යායතනය, මානෙල්වත්ත මහා විහාරය, බොල්ලෑගල, කැලණිය යන ලිපිනයට යොමු කරන්නැයි ආයතනයේ කළමනාකාර අධ්‍යක්‍ෂ ආචාර්ය පල්ලේවෙල සාරද නා හිමියෝ ඉල්ලීමක් කරති. 0773952253 හෝ 0112905596 ට අමතා වැඩි විස්තර ලබා ගත හැකිය.

 

 

නිකිණි අව අටවක පෝය

නිකිණි අව අටවක පෝය අගෝස්තු මස 28 වැනි දා බදාදා පූර්ව භාග 02.09 ට ලබයි.
29 වැනි දා බ්‍රහස්පතින්දා පූර්වභාග 04.12 දක්වා පෝය පවතී.
සිල් සමාදන්වීම අගෝස්තු මස 28 වැනිදා බදාදා ය.

මීළඟ පෝය සැප්තැම්බර් 04 වැනි දා බදාදා ය.


පොහෝ දින දර්ශනය

Second Quarterඅව අටවක

අගෝස්තු 28‍

New Moonඅමාවක

සැප්තැම්බර් 04

First Quarterපුර අටවක

සැප්තැම්බර් 12

Full Moonපසෙලාස්වක

සැප්තැම්බර් 19


2013 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

© 2000 - 2013 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]