UNICODE

 

[UNICODE]

මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

ශ්‍රී අභිනවාරාම පුරාණ විහාරය

ශ්‍රී අභිනවාරාම පුරාණ විහාරය

දකුණු පළාතේ ගාලු දිස්ත්‍රික්කයේ බලපිටිය ප්‍රාදේශීය ලේකම් කොට්ඨාසයේ කොස්ගොඩ කුඩාගොඩගම ගාලුපාර අභියස පිහිටා ඇති පුරාණ ශ්‍රී අභිනවාරාම පුරාණ විහාරස්ථානය (වෙලේ පන්සල) ශත වර්ෂයකට වඩා පැරණිය.

ප්‍රදේශයටම ඥාන ප්‍රදීපයක් බඳු වූ සුපේෂල ශික්‍ෂාකාමී කොස්ගොඩ ඤාණධීර නාහිමි මෙහි ප්‍රථම විහාරාධිපති ධුරය ඉසිලූහ.

බෙල්ලන්විල රාජමහා විහාරස්ථානයේ බෝධීන් වහන්සේගේ අංකුරයක් මෙම භූමියේ රෝපණය කොට කුඩා බුදු ගෙයක් කරවා ආරාමයක් ද ඉදිකොට එය ශ්‍රී අභිනවාරාමය නමින් නම් කර ඇත. විහාරස්ථානය ඉදිකළ භූමිය වෙල් සහිත වූ නිසා මෙම විහාරස්ථානය වෙලේ පන්සල නමින් ජනතාව අතර වඩාත් ප්‍රසිද්ධය.

ප්‍රදේශවාසී දානපතියන්ගේ ධන පරිත්‍යාගයෙන් ඉදි වූ චෛත්‍ය රාජයාණන් වහන්සේට කොත් පළදා නිරාවරණය කළේ 2011 වසරේදී ය. බෝධි ප්‍රාකාරයද ප්‍රතිසංස්කරණය කොට නව නිර්මාණයකින් ඉදිකර ඇත.

අභිනවයෙන් ඉදි කරන ලද අඩි 72 ක දිගින් යුත් අට විසි බුද්ධ මන්දිරය හා නව බෝධි ප්‍රාකාරය මෙම මේ මස 29 හා 30 දිනයන්හි විවෘත වීමට නියමිතය.

වර්තමාන විහාරාධිපති ධූරය උසුලන ශාස්ත්‍රවේදී ද්විතීය අධිකරණ සංඝ නායක ඥාණිස්සර නාහිමියන්ගේ අනුශාසනා පරිදි අටවිසි බුද්ධ මන්දිරය ඉදි කිරීමට කටයුතු යොදා ඇත.

29 වැනි දින මල් පෙරහර ද එදින රාත්‍රී සර්වරාත්‍රික පරිත්‍රාණ ධර්මදේශනයද සිදු කෙරේ. 30 වැනි දින සංඝගත දක්‍ෂිණාවක් පවත්වා අටවිසි බුද්ධ මන්දිරය විවෘත කිරීමට නියමිත අතර දොඩම්පහල රාහුල හිමියන්ගේ ධර්ම දේශනයක් ද පැවැත්වෙන අතර මහා සංඝරත්නය 28 නමක් විෂයෙහි චීවර පූජාවක් ද පැවැත්වේ. 

 

පොසොන් මස අව අටවක පෝය

පොසොන් මස අව අටවක පෝය ජූනි මස 29 වැනි දා සෙනසුරාදා අපර භාග 10.33 ට ලබයි.
30 වැනි දා ඉරිදා අපරභාග 10.38 දක්වා පෝය පවතී.
සිල් සමාදන්වීම ජූනි මස 30 වැනි දා ඉරිදා ය.

මීළඟ පෝය
ජූලි 07 වැනිදා
ඉරිදාය.


පොහෝ දින දර්ශනය

Second Quarterඅව අටවක

ජූනි 30

New Moonඅමාවක

ජූලි 07

First Quarterපුර අටවක

ජූලි 16

Full Moonපසෙලාස්වක

ජූලි 22


2013 පෝය ලබන ගෙවෙන වේලා සහ සිල් සමාදන් විය යුතු දවස


මුල් පිටුව | බොදු පුවත් | කතුවැකිය | බෞද්ධ දර්ශනය | විශේෂාංග | වෙහෙර විහාර | පෙර කලාප | දායකත්ව මුදල් |

© 2000 - 2013 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.

අදහස් හා යෝජනා: [email protected]