දරු දිරි සහන පදනම
නීතිඥ ශෂික ජයතිලක
වැඩසටහන් අධ්‍යක්‍ෂක බෞද්ධයා මාධ්‍ය ජාලය
කොළඹ 07, ග්‍රෙගරි පාරේ ශ්‍රී සම්බෝධි විහාරාධිපති, බෞද්ධයා මාධ්‍ය
ජාලයේ සභාපති ගෞරව ශාස්ත්‍රවේදී දරණාගම කුසලධම්ම නාහිමියන් විසින් තම
ගුරු දෙවෝත්තම අස්ගිරි විහාරපාර්ශවයේ මහා නායක අග්ගමහා පණ්ඩිත උඩුගම
ශ්‍රී බුද්ධරක්‍ඛිත මහනාහිමිපාණන් වහන්සේගේ ආශීර්වාද ඇතිව කෝට්ටේ
ශ්‍රී නාග විහාරාධිපති මාදුළුවාවේ සෝභිත නාහිමියන්ගේ ද සක්‍රිය
සහභාගිත්වය ඇතිව පසුගියදා ‘දරු දිරි සහන පදනම’ නමින් සමාජ සත්කාරක
පදනමක් පිහිට වූහ.
ආර්ථික හැකියාව නොමැති දුෂ්කරතා මැද දිවිගෙවන පවුල්වල දරුවන් තිදෙනෙකුට
වඩා වැඩියෙන් ප්‍රසුත කළ සහ කරන මව්වරුන්ට මාසිකව රුපියල් පන්දහසක දිරි
දීමනාවක් පිරිනැමීම හා එක් පවුලකට කිරි ගවයෙකු බැගින් ලබාදීම මෙම දරු
දිරි සහන පදනම මගින් සිදු කෙරෙන අතර 2013 වසරේ පෙබරවාරි මස 3 වන දින
වැලිවේරිය නාරන්වල ගුණරත්න සම්බෝධි සෙවණේ දී පවුල් 07ට ද, පෙබරවාරි මස
10 වන දින අනුරාධපුර කහටගස්දිගිලිය ප්‍රදේශයේ රත්මල් ගහවැව ආලෝක
පබ්බතාරාමයේ දී පවුල් 25 ට ද මෙලෙස පරිත්‍යාග කළ අතර මාර්තු මස 17 වන
දින මහනුවර සෙන්කඩගල ඓතිහාසික සිරි දළදා මැදුරේ වැඩසිටින දළදා වහන්සේගේ
ආරක්‍ෂාවට ලක්වැසි සැදැහැති පින්වතුන්ගේ ධන පරිත්‍යාගයෙන් සහ සම්බෝධි
විහාරස්ථානය හා බෞද්ධයා මාධ්‍ය ජාලයේ මූලිකත්වයෙන් සදා නිමකළ රිදී දොර
දෙකෙන් එකක් දළදා වහන්සේට පූජා කිරීමේ මහඟු පින්කම පැවැත්වෙන අවස්ථාවේ
දී පවුල් 100කට මෙම මාහැඟි පරිත්‍යාගය සිදු කිරීමට සියලු කටයුතු
සම්පාදනය කර ඇත. ඒ සෑම පවුලකටම වියළි ආහාර මල්ලක් පරිත්‍යාග කරමින්
උතුම් දළදා පින්කමක් ද සිදු කොට එදිනට 85 වන වියට පා තබන අස්ගිරි මහ නා
හිමිපාණන් වහන්සේට දිගාසිරි පැතීමද සම්බෝධි විහාරාධිපති දරණාගම
කුසලධම්ම නාහිමියන් විසින් සැලසුම් කර ඇත. |
පුර
අටවක
පසෙලාස්වක
අව
අටවක
අමාවක