[UNICODE]

ශ‍්‍රී බුද්ධ වර්ෂ 2551 ක් වූ නවම් අව අටවක පොහෝ දින රාජ්‍ය වර්ෂ 2008 ක් වූ පෙබරවාරි මස 29 වැනිදා සිකුරාදා

පොළොන්නරුවේ නිශ්ශංක ලතා මණ්ඩපය නිශ්ශංක මල්ල රජතුමා විසින් ඉදිකරන ලද පිරිත් මණ්ඩපයකි. රජතුමා ඇතුළු රජපවුලට පිරිත් දේශනාවට සවන් දීම සඳහා, මෙම මණ්ඩපය මධ්‍යයේ සාදා ඇති ශෛලමය කුඩා ස්තූපය මත ධාතු කරඬුව තැන්පත් කර, පිරිත් සජ්ඣායනා කර ඇත. නෙළුම් දණ්ඩක් ලිය වැලක වෙස් ගන්වා, මෙහි ගල් කණු නිර්මාණය කර ඇති නිසා මෙයට ලතා මණ්ඩපය යැයි කියති. මෙම ගොඩනැගිල්ල පැරැණි නිර්මාණ ශිල්පියාගේ ප්‍රතිභාව ප්‍රකට කරන සුවිශේෂ නිර්මාණයක් ලෙස සැලකෙයි.

ඡායාරූපය – ජනක වෙත්තසිංහ

ඌරල ශ්‍රී ක්‍ෂේත්‍රාරාම පුරාණ රජ මහා විහාරය

දකුණු ලක ගාලු පුර දේශයෙන් ඔබ්බට සැතපුම් 13 ක් පමණ දුර පිහිටි ඌරල ශ්‍රී ක්‍ෂේත්‍රාරාම පුරාණ රජමහ විහාරය ඓතිහාසික වැදගත්කමකින් යුත් පුණ්‍ය භූමියක් ලෙස ප්‍රකටව පවතී. සුන්දරවූ සරු කෙත්යායක් මැද දූපතක් ලෙස පුංචි කඳු ගැටයක ඉදිවී ඇති මෙම විහාරය වසර 100 කට වඩා පැරැණි ය. ක්‍ෂේත්‍රාරාම විහාරය ඓතිහාසික වශයෙන් සඳහන් කරනුයේ පොළොන්නරු යුගයේ ලීලාවතී රැජිනගේ සමයට අයත් කාසි වර්ගයක් මෙම භූමියේ දී හමුවීම නිසා වැදගත් බවයි. එකලට වැඩ වාසය කොට ඇති විහාරාධිපති වන්නේ වඳුරඹ සිද්ධාර්ථ ස්වාමීන් වහන්සේ ය.

ඉතිරිය»