Print this Article


අකුසලය දුක ඇති කරවයි

අකුසලය දුක ඇති කරවයි

ඒ ඒ තැනැත්තා ගේ පින් පව් අනුව ජීවිතය වාසනාවන්ත හෝ අවාසනාවන්ත වේ. යහපත් ක්‍රියාවන් සිදු කිරීමෙන් පින් සිදු වේ. පින් කිර ීමෙන් සිත පිරිසුදු වෙයි.

සිත පරීක්ෂා නො කරන්නේ නම් අයහපත් හැඟීම්වලින් එය පිරී යනු ඇත. අයහපත් ක්‍රියාවලට යොමුවීමෙන් මිනිසා කරදරයට පත් වෙයි. පුණ්‍ය ක්‍රියා මගින් මනසේ ඇතිවන ලෝභ, ද්වේෂ, මෝහ යන අකුසල ධර්ම මර්ධනය කරයි. ලෝභයෙන් පිරුණු සිත එක්රැස් කිරීමට හා සැඟවීමට ද, ද්වේෂ සහිත සිත ඒ තැනැත්තා කුපිත කරවීමට ද, මෝහයෙන් බැඳුණු සිත කෙනෙකු ලෝභයේ හා ද්වේෂයේ පටලැවීමට ද යොමු කරයි. අකුසල ක්‍රියා වඩ වඩා දුක් ඇති කරවන අතර, පුද්ගලයාට ධර්මයේ හැසිරීමට ඇති අවස්ථා අඩු කරයි.

අපගේ ජීවිතයේ ඉදිරි ගමනට පුණ්‍ය ක්‍රියා උපකාරී වෙයි. ඒවා තමන්ට මෙන් ම අන් අයටත් යහපත් ප්‍රතිලාභී දේවලට සම්බන්ධ වන අතර සිතෙහි තත්ත්වය ද උසස් කරයි. යම් පුද්ගලයකු රැස් කර ගන්නා ලද ලෞකික ධනය සොර සතුරන්, ගං වතුර, ගින්න, රාජසන්තක වීම ආදී ක්‍රියා මගින් නැති විය හැකි අතර පින් විපාක දීම ඔහු පසුපස සසර වසන තුරා පැමිණෙන්නේ ය. තව දුරටත් පින් රැස් කිරීමට උනන්දු නො වුවහොත් පින අඩු වී යා හැකි ය. පින් රැස් කරන පුද්ගලයා මෙලොව දී මෙන් ම පරලොව දී ත් සැප විඳින්නේ ය. පුණ්‍ය කර්මය ඔහු ගේ ප්‍රබල ආධාර කාරකයෙකි. එය සෑම තැනෙක දී ම අවස්ථාවන් ලබා දීමේ දොරවල් විවෘතකර දෙයි.

(බෞද්ධ විශ්වාස විමර්ශනය)