අරන්තලා මහා භික්ෂු ඝාතනය
අනුස්මරණයට පින්කම්
උතුරු නැගෙනහිර දෙ පළාතේ ප්‍රධාන අධිකරණ සංඝනායක සද්ධර්මවාගීස්වර හෑගොඩ
ශ්‍රී ඉන්ද්‍රසාර නා හිමියන් ප්‍රධාන භික්ෂූන් වහන්සේ 31 නමක් ඝාතනය කර
ජුනි මස 02 දිනට වසර 27 කි.
1987 ජුනි 02 දා කොටි ත්‍රස්තවාදීන් විසින් අමානුෂික ලෙස ඝාතනය කළ එම
භික්ෂූන් වහන්සේලා අනුස්මරණය කිරීමේ වැඩසටහනක් මහඔය මංගලගම අරන්තලාව
ජාත්‍යන්තර බෞද්ධ මධ්‍යස්ථානයේ දී පැවැත්වීමට ශාස්ත්‍රපති කිරිඳිවැල
සෝමරතන හිමියන් ඇතුළු සංවිධායක මණ්ඩලය කටයුතු යොදා ඇත.
ජුනි 01 වනදින – පස්වරු 6.00 - සප්තාසන කාව්‍ය ධර්ම දේශනාව සහ රාත්‍රී
9.00 - සර්ව රාත්‍රික පරිත්‍රාණ ධර්ම දේශනාවද, ජුනි 02 වනදා පෙරවරු 8
සිට 2 දක්වා අරන්තලා භික්ෂු ස්මාරකය අභියස ආගමික වතාවත් හා පුෂ්පෝපහාර
පූජාවද, අටවිසි බෝධි අංකුර හා බුදුපිළිම වහන්සේ තැන්පත් කිරීමද,
ත්‍රස්තවාදීන් විසින් ඝාතනය කරන ලද මහා සංඝරත්නයේ ප්‍රතිමා ඉදිකිරීම්
සඳහා මුල්ගල තැබීමද, අරන්තලා භික්ෂු විශ්‍රාම ශාලාව සඳහා මුල්ගල්
තැබීමද, ගුණ සමරු උත්සව සභාව හා ගුණ සමරු දේශනය, සපිරිකර මහා සංඝගත
දක්ෂිණාව, මහ බත් දන්සල හා විවිධ සමාජ සුබසාධන කටයුතු රැසක් සිදු
කිරීමට කටයුතු යොදා ඇත.
|
අමාවක
පුර
අටවක
පසෙලාස්වක
අව
අටවක