සරණංකර නා හිමි ගුණ සමරති

ශ්‍යාමොපාලී මහා නිකායේ මල්වතු පාර්ශවයේ හුරුළු පළාතේ උප ප්‍රධාන සංඝනායක ශ්‍රී බෝධිරුක්ඛාරාමය ඇතුළු විහාර ගණයේ අධිපති අපවත් වී වදාළ කපුගොල්ලෑවේ සරණංකරාභිධාන නා හිමි ගේ වර්ෂ පූර්ණ ගුණානුස්මරණ පින්කම් මාලාව මේ මස 23 – 24 යන දෙදින තුළ හොරොව්පතාන කපුගොල්ලෑව බෝධිරුක්ඛාරාම විහාරස්ථානයේ දී සිදු කරනු ලැබෙයි. රාත්‍රී 7 ට ධර්ම දේශනාවක් පවත්වන අතර පසුදින විසිපස් නමක් විෂයෙහි සාංඝික දානමය පින්කමකි. හොරොව්පතාන මධ්‍ය මහා විද්‍යාලයේ විශ්‍රාමලත් නියෝජ්‍ය විදුහල්පති රාජකීය පණ්ඩිත කපුගොල්ලෑවේ විමලජෝති හිමි ඇතුළු ශිෂ්‍ය පිරිස ගුණානුස්මරණ පින්කම සංවිධානය කරති.