භික්‍ෂු පුහුණු අධ්‍යාපනික සේවාවක්
ප්‍රේමසිරි අබේසිංහ
ශ්‍රී ලංකාවේ මෙන්ම ලෝකයේම විශාලතම මව්පිය සෙවන (වැඩිහිටි නිවස) ඉදිකළ
පොල්ගස්ඕවිට වෑකර ශ්‍රී සුධර්මාරාම විහාරස්ථ ශ්‍රී ඥානෝදය පදනමේ තවත්
සුවිශාල සේවාවක් ලෙස ථොරවාදී භික්‍ෂු පුහුණු අධ්‍යාපනික හා බහුකාර්ය
වෘත්තීය පුහුණු මධ්‍යස්ථානයක් ශාස්ත්‍රපති කලවානේ ධම්මානන්ද හිමියන්ගේ
අනුශාසකත්වයෙන් යථොක්ත මව්පිය සෙවන පිහිටි භූමිය වූ කලවානේ මීපාගම ඉදි
කිරීමට කටයුතු සංවිධානය කෙරේ.
ඒ සඳහා මුල්ගල් තැබීම මේ මස 11 වැනි ඉරුදින පෙරවරු 9.30 ට ජනාධිපති
ආගමික අංශයේ උපදේශක ශාස්ත්‍රපති වටිනාපහ සෝමානන්ද හිමියන්ගේ
ප්‍රධානත්වයෙන් විද්‍යා හා තාක්‍ෂණ ඇමැතිනී නීතිඥ පවිත්‍රා වන්නිආරච්චි
මැතිනියගේ හා රත්නපුර දිස්ත්‍රික් පාර්ලිමේන්තු මන්ත්‍රී ජානක
වක්කුඹුර, සබරගමු පළාත් මහ ඇමැති මහීපාල හේරත්, හම්බන්තොට දිස්ත්‍රික්
පාර්ලිමේන්තු මන්ත්‍රී නාමල් රාජපක්‍ෂ ශ්‍රී දළදා මාලිගාවේ දියවඩන
නිළමේ තැන්පත් නිලංග දෑල බණ්ඩාර යන මහත්වරුන්ගේ සහභාගීත්වයෙන් සිදු
කැරේ.
වර්ග අඩි 55000 ක භූමි ප්‍රමාණයක ඉදිවෙන යෝජිත ථෙරවාදී භික්‍ෂු පුහුණු
ආයතනයෙන් අංග සම්පූර්ණ කාමර 100 ක් ස්වාමීන් වහන්සේලා 200 නමක් සඳහා
නැවතුම් පහසුකම්, අධ්‍යාපන පහසුකම්, වෘත්තීය පුහුණු පන්ති කාමර
දේශනශාලා සනීපාරක්‍ෂක පහසුකම් ආදී සේවාවන් රැසක් ලැබෙනු ඇත.මෙම මුල්ගල්
තැබීම නිමිත්තෙන් මාර්තු 1 වැනි දා සිට 10 දින දක්වා ධර්මදේශනා පින්කම්
10 ක් ද සර්ව රාත්‍රික පරිත්‍රාණ දේශනයක් ද මහා සංඝගත දක්‍ෂිණාවක් ද
පැවැත්වේ. |
