බොදු පුවත් (ඡායාරූප)
 

පොළොන්නරුව ගල් විහාරයේ දහම් පාසලේ වාර්ෂික ත්‍යාග හා සහතිකපත් ප්‍රදානය සඳහා පූර්ණ අනුග්‍රාහකත්වය ගාල්ල සවිය සංවර්ධන පදනම මගින් සිදු කැරුණු අතර පසුගිය ජලගැලීම් වලින් විපතට පත් වූ අඩු ආදායම්ලාභි පවුල් 100 ක් සඳහා වියළි ආහාර ද්‍රව්‍ය බෙදා දීමක් මෙන්ම ප්‍රදේශයේ විහාරස්ථාන ආශ්‍රිතව පවත්වාගෙන යන පුස්තකාල සඳහා වටිනා ග්‍රන්ථ ප්‍රකාශන කට්ටල් ලබාදීමක් එදින සිදු කැරිණි. පොළොන්නරුව සොළොස්මස්ථානාධිපති වේඩරුවේ උපාලි නා හිමියන් සහ පොළොන්නරුව මහා දිසාපති නිමල් අබේසිරි මහතා ද එහිදී දෙසුම් පැවැත් වූ අතර සවිය සංවර්ධන පදනමේ නිර්මාතෘ සභාපති ආචාර්ය වින්ස්ටන් ද සිල්වා මහතා ප්‍රධාන සවිය සංවර්ධන පදනමේ කාර්ය මණ්ඩලයේ විශාල පිරිසක් ද ඒ සඳහා සහභාගි වූහ.

 ශ්‍රී ජයවර්ධනපුර කෝට්ටේ ඇතුල් කෝට්ටේ සිරි පැරකුම්බා විහාරස්ථානයේ ශ්‍රී රාහුල දහම් පාසල සිය 62 වැනි සංවත්සරය පසුගියදා සමරණ ලදී. එහිදී කෝට්ටේ පැරණි නගරයේ සැලසුමක් ඉදිරිපත් කරමින් එහි ඉතිහාසය විග්‍රහ කරන අයුරු ඉහළ ඡායාරූපයෙන් දැක්වේ. විහාරාධිපති රාජකීය පණ්ඩිත මාදිවෙල චන්දවිමල හිමි ශ්‍රී ජයවර්ධනපුර ප්‍රාදේශිය ලේකම් අමල් එදිරිසුරිය ඇතුල් කෝට්ටේ පුජාමුල සමිතියේ සභාපති අසේල කරුණාවර්ධන ඇතුල් කෝට්ටේ සිවිල් ආරක්ෂක කමිටු සභාපති ඩබ්ලිවි. විතාන, විහාරස්ථ දායක සභාවේ රංජිත් හල්වඩුගේ, රංජිත් දිසානායක, සරත් පෙරේරා යන මහත්වරුන් හා බොදු සැදැහැ ගී ඉදිරිපත් කළ ශිෂ්‍යාවන් පිරිසක් ඡායාරූපයෙන් දැක්වේ.