අළුත් සහල් මංගල්‍යය
සිරි මහ බෝ සමිඳු අබියස දී අප්‍රේල් 2-3
වෝල්ටර් දයාරත්න,
අනුරාධපුර දිසා විශේෂ
මහ කන්නයේ අනුරාධපුර ගොවි ජනතාවගේ වී අස්වැන්නේ අග්‍ර ඵලය එකතු කර ජය
ශ්‍රී මහා බෝ සමිඳුන් වෙත පිදීමේ හතලිස් හතර (44) වන ජාතික අළුත් සහල්
මංගල්‍යය අප්‍රේල් මස 02 – 03 යන දිනයන් හි මහත් අභිමානයෙන් හා අති
පූජනීයත්වයෙන් අනුරාධපුර ජය ශ්‍රී මහා බෝ සමිඳුන් අබියස දී පැවැත්වේ.
අටමස්ථානාධිපති ආචාර්ය පල්ලේගම සිරිනිවාස නා හිමියන්ගේ අනුශාසනා පරිදි
එම ඓතිහාසික උත්සවය ගොවි ජන සේවා දෙපාර්තමේන්තුව හා කෘෂිකර්ම
දෙපාර්තමේන්තුව ඒකාබද්ධව සංවිධානය කරයි.
අප්‍රේල් මස 02 වන දින අළුයම ජය ශ්‍රී මහා බෝ සමිඳුන්ගේ සතර වාහල්කඩ
කිරි ඉතිරිවීමෙන් එම උළෙල ආරම්භ කැරේ.
ගොවිජන සේවා මධ්‍යස්ථාන වලින් එකතු කරගන්නා සහල් රිය පෙරහරකින් සිංහ
කණුව දක්වා රැගෙන විත් එතැන් සිට දර්ශනීය මහා පෙරහරකින් අළුත් සහල්
පාත්‍ර හා භාජන රැගත් පෙරහර ශ්‍රී මහා බෝධි මාවත ඔස්සේ ජය ශ්‍රී මහා
බෝධීන් වහන්සේ ගේ මැද මළුව තෙක් ගමන් කරවනු ඇත.
අනතුරුව මහා සංඝරත්නයේ පිරිත් සජ්ඣායනා මධ්‍යයේ එහි තැන්පත් කර ඇති මහා
පාත්‍රය පිරවීම සිදු කැරේ.
එම අවස්ථාවට අටමස්ථාන නා හිමියන් ප්‍රධාන මහා සංඝරත්නය ද උතුරු මැද
පළාත් ආණ්ඩුකාර කරුණාරත්න දිවුල්ගනේ, ප්‍රධාන අමාත්‍ය බර්ටි
පේ‍්‍රමලාල් දිසානායක ගොවිජන සේවා හා වනජීවී ඇමති එස්.එම්. චන්ද්‍රසේන
ළමාරක්‍ෂක හා කාන්තා කටයුතු අමාත්‍ය තිස්ස කරල්ලියද්ද නියෝජ්‍ය
අමාත්‍යවරුන් වන දුමින්ද දිසානායක, ඩබ්ලිව්. බී. ඒකනායක, දිස්ත්‍රික්
මන්ත්‍රී ශෙහාන් සේමසිංහ, පලාත් කෘෂිකර්ම ඇමැති කේ.එච්. නන්දසේන,
සමූපකාර හා ආහාර වෙළඳ පළාත් අමාත්‍ය එච්.බී.සේමසිංහ, අනුරාධපුර
මහදිසාපති එච්.එම්.කේ.හේරත් යන මහත්වරු ඇතුළු විශාල පිරිසක් සහභාගි වනු
ඇත. |
