හෝමාගම අධ්‍යාපන කලාපයේ
දිනපතා සෙත් පිරිත්
හෝමාගම අධ්‍යාපන කලාපයේ සෑම පාසලකම එදිනෙදා වැඩ ඇරඹීමට පෙර පාසල්
පැවැත්වීමට නියමිත දිනයන්හි උදේ 7 සිට 07.30 දක්වා සෙත් පිරිත්
සජ්ඣායනාවක් පැවැත්වීමට හෝමාගම කලාප අධ්‍යාපන අධ්‍යක්‍ෂ පාලිත වීරසූරිය
මහතා ප්‍රදේශයේ සියලුම පාසල්වලට දන්වා ඇත.
එළඹෙන 2600 ශ්‍රී සම්බුද්ධත්ව ජයන්ති උළෙල නිමිත්තෙන් හා මහින්ද
රාජපක්‍ෂ ජනාධිපතිතුමන්ගේ දෙවැනි පදවි ප්‍රාප්තිය නිමිත්තෙන් එතුමන්ටත්
රටටත් සෙත් පැතීම සඳහා එම වැඩ පිළිවෙළ ආරම්භ කර ඇති බවත් වීරසූරිය මහතා
කියයි. තමන්ගේ අදහසක් ඇතිව නිෂ්පාදනය කර ඇති කැසට් පටයක් පළාතේ හැම
පාසලකටම යවා ඉකුත් මස 19 වැනි දා සිට මෙම වැඩ පිළිවෙළ ක්‍රියාත්මක බවත්
2011 වසර පුරාම එම පාසල්වල මෙම වැඩසටහන ක්‍රියාත්මක කෙරෙන බවත් එම
අධ්‍යක්‍ෂවරයා කීය.
පාසල් සිසුන්ට තුන් සූත්‍රය කට පාඩම් කර පිරිත් දෙසුමට දක්‍ෂ පිරිත්
කණ්ඩායමක් හැම පාසලකින්ම ඇති කිරීම සිසුන් තම ගමේ පන්සලේ ආගමික වතාවත්
සඳහා හුරු කිරීම බෞද්ධ පොත් පත් ප්‍රදර්ශනයක් පැවැත්වීම ආදී සත්
කාර්යයන් මේ වැඩසටහනින් අධ්‍යක්‍ෂවරයා බලාපොරොත්තු වෙයි. |
පසෙලාස්වක
අව
අටවක
අමාවක
පුර
අටවක